Page 61 - MIN JUS

Famia y abogado ta persisti pa asina keda cla cu e proceso
relaciona cu Colombianonan mata pa Arestatie Team

Tuesday, 14 February 2017 23:10
Comparti

Segun abogado mr David Kock, e posicion di Gobierno claramente tabata pa laga corte dicidi riba e daño cu mester
wordo paga pa morto di e dos Colombianonan mata pa Arestatie Team. Gobierno no ta bay yega na ningun sorto di
areglo, entendimento. Na final di dia ta wak cu e famia ta persisti y e abogadonan lo persisti y poco poco ta kedando
cla cu e proceso aki.

El a dura masha largo. Esey tin di haber tambe cu e famianan no a cuminsa cu un procedura di biaha, pero purba di
tambe bin na un dialogo den e speransa ey. Door cu e partido cu no ta contento cu e veredicto ta dicidi di apela of bay
te Hoge Raad, esey naturalmente ta trece retraso den e procedura.

E abogado a sigui splica cu e demanda tabata hopi mas. Un gran parti di dje tabata un daño inmaterial. Lo no tin
problema si e huesnan di Hoge Raad dicidi cu nan lo regle. E ora esey lo reduci. Ministerio Publico tampoco no
tabata contento cu e pago aki y nan tambe a apela. E abogado ta haya simplemente di loke ta trata alimentacion cu
hues a limit’e un tiki, pero tur e otro gastonan cu a wordo haci, manera entiero, transporte, si hues a otorga.

Loke ta pasa ta cu Ministerio Publico ta prefera a land Aruba no paga nada. Ta pesey nan ta bay den apelacion pa
purba di reduci hasta e 60 mil den nan opinion, pero ta wak cu esey no tin chens.

Tin un combinacion di e tres gruponan pa loke ta e pago, cual ta surpasa 1 miyon, no como un di nan so. Tin dos
persona cu a wordo asesina, pero un di nan tabata tin na modo di bisa un famia, despues el a forma un otro famia,
lagando yiunan menor di edad den tur dos grupo. Pesey nan ta bira tres grupo cu ta entama caso.

Cuanto mas

Segun Kock, despues di mita di aña ora cu Hoge Raad tuma su decision, djey pa fin di aña mester ta cla.