Page 47 - KPA

Control di Klapchi riba

WELA ta sigui

Published on December 16, 2016 in Local
ORANJESTAD, Aruba

Actualmente trabaonan ta andando na WELA. Tanto experto di Explosivo na DOW
Rubin Ponson y Ferdinand Ponson di Brandweer y tambe Aduana ta controlando tur e
klapchinan cu a drenta Aruba pa asina cuminsa separa esakinan pa nan propietarionan.
Entrante 27 di December lo por cuminsa bende klapchi te dia 31 di December . E
klapchinan cu no ta conoci dor di e instancianan aki lo mester haci un test cu nan pa
asina mira den ki categorianan ta cay y cu si e por keda bendi.

E recomendacion ta keda pa tur e muchanan cu ta bao di 16 aña no tira klapchi , pero
si mayornan ta laga nan tira e conseho ta keda pa tira bista riba e muchanan na
momento cu nan ta bay cende e klapchi. Un di e reglanan cu a bin y cu ta hopi estricto
riba dje ta cu cada caha di klapchi mester tin e notificacion di klapchi skirbi na un idioma
cu e persona ta compronde y si esaki no tuma luga e klapchinan no ta wordo saca for di
WELA.