Page 55 - SOC DEC 9

6 AWEMainta Diabierna, 9 December 2016

Minister di Infrastructura Benny Sevinger den Semeleerstraat:

“Reaccion ta hopi positivo y

nos lo sigui haci e trabou cu

pueblo a eligi nos pa haci”

MINISTER di Infrastructura Benny Sevinger a bishita diahuebs
mainta e habitantenan di Semeleerstraat na Noord hunto cu Min-
ister Presidente Mike Eman y Minister di Asuntonan Social Paul
Croes. E bishita ta bin despues cu prome fase di embeyecemento a
keda cla y ta sirbi pa mantene contacto cu e ciudadanonan y con
ta wak e trabounan cu ta wordo haci pa nan.

Minister Sevinger a comparti cu despues di a bishita varios cas y
papia cu e hendenan personalmente, e reaccion ta uno hopi positivo.
“Hendenan ta gusta con e caminda a wordo drecha, con e acera ta
na colo, nan tin entrada pa hinca auto paden, mata cu ta wordo
poni awo; dus e trabaou ainda no a caba completo, pero nan ta
satisfecho cu esaki y nos ta contento. P’esey nos t’ey pa nos haci e
trabou cu pueblo a eligi nos pa haci.”
E titular di Infrastructura ta di opinion cu e proyecto a keda hopi
hopi y cu calidad cu a wordo poni den e bario aki di Noord, ta uno
halto cu ta spera tambe cu tanto Gobierno como e propio ciudada-
nonan lo sa di por mantene pa hopi aña, conservando e matanan
y otro zonanan.
E trabounan di renobacion di bario ta algo cu Gabinete Mike Eman
a bin ta haci durante e ultimo 7 añanan cu Minister Sevinger su-
pervisando tur e proyectonan di infrastructura.

“A haci hopi inversion den diferente bario for di San Nicolas te
Noord y Madiki. Nos tin un lista largo ainda caminda falta Dakota y
falta Santa Cruz, entre otro bario”, asina Minister Sevinger a splica.

E parti di presupuesto ta cla y lo sigui den e proximo lunanan pa
renoba nos isla los di e proyectonan grandi di infrastructura manera
Green Corridor y Watty Vos Boulevard, cual tambe ta inclui ar-
eanan publico di recreacion pa gozo di e bisiñanan y cu tambe ta
conta como renobacion di bario.