Page 58 - SOC DEC 9

12 AWEMainta Diabierna, 9 December 2016

Hobennan di SVT a haya nan baret for di Prome Minister Mike Eman

SHETE hoben cu hopi orguyo a ricibi nan baret diaranson merdia for di
Prome Minister Mike Eman na Marinierskazerne. Esaki ta un prueba cu nan
a pasa e prome parti di e trayecto di Formacion Social cu exito, esta e parti
militar. Awor nan ta cla pa cuminsa cu e di dos trayecto cu ta encera curso y
e parti di stage.

Siman pasa e shete hobennan aki a pasa un siman di test cu ta wordo yama
“dead point”, e periodo den cual ta pone den accion tur e aspectonan militar
cu nan a siña.
“Boso a demostra cu boso por, pesey cu orguyo nos ta entrega boso e baret
awe”, Prome Minister Mike Eman a bisa e hobennan. Mayor y familiarnan
a sigui e ceremonia cu hopi emocion. Despues di entrega di baret cu tin un
emblema di aloe riba dj’e, a sigui e parti paden unda cu a haci entrega di e
certificadonan.

Gobierno, Prome Minister Eman a bisa, ta hopi agradecido na Marinierska-
zerne cu ta cooperando cu e parti militar di e programa aki y Hulanda cu na
inicio a brinda e ayudo financiero cu por a cuminsa cu e proyecto.
El a gradici Commandant di Marinierskazerne, luitenant-kolonel Timon van
Dishoeck, pa e cooperacion y cu nan por sigui conta cu esaki pa e programa
por sigui crece.
Van Dishoeck a aplaudi e hobennan kendenan a demostra nan habilidad y
pidi nan pa cumpli cu e motto cu tin riba nan baret “Conoce bo poder” y cu
durante e parti di estudio nan por haya sa kico ta nan punto fuerte pa mira
den ki direccion nan kier sigui den futuro.

Diahuebs mainta caba e hobennan aki mester ta prepara pa cuminsa cu e parti
cu ta cay bou categoria di estudio (curso). Nan ta bay haya les di idioma –
Hulandes, Spaño y Ingles, nan lo siña con pa hinca carta den otro, pero tambe
sigui lesnan di computer, maneha programa y mantencion di computer.
Tur esaki ta wordo haci bou guia di docentenan di Enseñansa pa Empleo. E
parti di estudio tin un duracion di seis luna y na final nan ta haya nan certi-
ficado di Enseñansa pa Empleo.

Formacion Social ta un programa iniciativa di Prome Minister Eman, kende
kier pa hobennan cu no a finalisa nan scol haya un di dos oportunidad den
bida. E programa aki na prome luga ta duna nan e disciplina y ta orienta nan
riba kico nan kier haci cu nan futuro, sea caba nan scol of scoge nan profesion.