Page 7 - ARUBA ABNK_Neat

AWEMainta Diasabra, 3 Juni 2017 27

Departamento di

Aduana ta introduci su

Relacionista Publico

DIRECTOR di Departamento di Aduana, sr. Roderick Croes, den compania
di Minister di Finansa, sr. Angel Bermudez, Management Team y empleadonan
ta introduci sra. Marilyn Wout oficialmente como e relacionista publico di
Departamento di Aduana.

Sr. Croes ta relata cu den cuadro di inovacion y comunicacion como e elemen-
tonan principal pa un organisacion por sigui avansa ta mas cu necesario pa tin
un bon comunicacion interno y externo. Den cuadro di mehora e comunica-
cion y relacionnan externo y tambe pa streamline tur contacto cu prensa a
apunta Marilyn Wout como e relacionista publico di Douane.

Na mesun momento ta informa tur medio di prensa cu Marilyn ta
e unico persona ademas di e director y/of otro persona apunta pa e
director cu ta autoriza pa comunica cu tur media tocante topiconan
di desaroyonan tanto interno como externo na nomber di Depar-
tamento di Aduana.

Sra. Marilyn Wout ta fungi pa algun tempo caba como Management
Assistant, ta carga diferente tareanan y ta envolvi den diferente
proyectonan den e area di comunicacion.
E tarea principal di Marilyn ta asisti e director pero tambe pa
zorg pa e comunicacion interno y externo sosode riba un manera
completo, transparente, structura y frecuente uzando diferente
medionan di comunicacion.

Un bon comunicacion ta start internamente den organ-
isacion y ta expande su mes na su clientenan, partners
y demas stakeholders.

Charts & Trends Juni 2017

AYERA Banco Central di Aruba (BCA) ta publica
su mas reciente “Charts & Trends”.
E publicacion aki ta contene datonan economico
y financiero mas recien disponibel, cubriendo par-
ticularmente Aruba su sectornan financiero, real,
externo y publico.
E publicacion aki “Charts & Trends” ta disponibel
desde awe riba e website di BCA www.cbaruba.org.