Page 11 - MIN VOS
P. 11
Nickenson Paul a bay
Hulanda pa un try-out cu
RKC Waalwijk
Published on April 20, 2017 in Deporte
ORANJESTAD, Aruba
Diasabra ultimo e hungado aki Nickenson Paul di SV Dakota a sali rumbo pa Hulanda pa un try-
out. Nickenson Paul a haya e oportunidad pa bay haci un try-out na Hulanda pa e potencial cu e
hungado tin riba cancha. Despues cu Arubaanse Voetbal Bond a tuma Martin Koopman den
servicio como Director Tecnico, su persona a haci diferente scouting ariba diferente hungado di
Aruba. Martin Koopman tin e meta pa manda futbolistanan Hulanda pa haci un try-out.
Por medio di e contactonan cu Martin Koopman tin personalmente cu RKC Waalwijk di eerste
divisie, a bira posibel pa Nickenson Paul bay haci un try-out di 3 siman y asina mira kico ta e
posibilidad pa e por haya un chens pa por drenta den e organisacion di RKC-Waalwijk. Tur
esakinan a bira posibel door di AVB, kende a coopera cu e hungado aki pa e por yega Hulanda y
regresa Aruba bek. AVB kier pa hungadonan hoben den futbol di Aruba sigui crece y ta
buscando oportunidadnan pa manda hungadonan cu yen potencia den futbol pa haya oportunidad
di haci try-outs.
