Page 14 - MIN VOS

Tuma vacuna contra Keintura

Geel prome cu biaha

20 April, 2017
0

“Gele Koorts”, “Yellow fever”, “Fiebre amarilla” of na Papiamento Keintura Geel
ta keda un problema pa salud publico den e regionnan tropical di Africa y Latino

America. Keintura Geel ta un enfermedad viral hemoragico transmiti door di e
sangura Aedes spp.

E sintomanan mas comun ta keintura, dolor di cabes, color geel di cuero y
wowo, dolor di spier, mareo y sacamento y den algun caso e por ta hasta fatal.

Actualmente tin diferente pais den Latino America cu casonan sospechoso y

confirma di Keintura Geel. E paisnan aki ta entre otro Bolivia, Brazil, Colombia,
Ecuador, Peru y Surnam.

Vacuna ta e manera mas efectivo pa preveni Keintura Geel. Pa e motibo aki
Departamento di Salud Publico ta conseha tur persona cu ta planea di biaha pa

un di e paisnan aki dentro di 3 luna pa pasa tuma nan vacuna contra Keintura
Geel. Bo curpa ta cuminsa produci anticurpa despues di 10 dia cu bo a tuma e

vacuna. Duracion di e vacuna contra Keintura Geel ta pa bida largo.

E vacuna ta disponibel na DBZ (Dienst Besmettelijke ziekte) y ta costa Afl.
31,=. Orario pa vacuna na DBZ ta di 7:45am – 11:45am y 1:15pm – 3:15pm.
Pa mas informacion por yama DBZ na tel: 5224-221/239/241.