Page 17 - MIN VOS 11 MARCH 2017

34 AWEMainta Diasabra, 11 Maart 2017

“Walk with a Vision 2017”

Bin cana cu FAVI y aporta na un bon causa

FAVI, Fundacion Arubano di esnan Visualmente Incapacita ta
organisa su di 6 caminata di
5 km, diadomingo 19 di maart proximo.
FAVI kier a invita tur hende pa yega tempran n’e caminata.
Registracion lo cuminsa 4:00 di atardi. E caminata lo cuminsa
pa exactamente 5:30pm.

E caminata ta cuminsa na Fishermen’s Hut bay dirección di
Arashi y bolbe pa termina n’e punto di salida, Fishermen’s Hut.
FAVI lo percura pa tin fruta y algo di bebe disponibel durante
y na final di e caminata pa tur participante. Tambe nos lo saca
doorprize di diferente premio atractivo.

Lo bay tin medaya como premio p’e canador y coredornan, mas-
culino y femenio, pa mucha y cliente cu yega na prome lugar.
Tickets p’e caminata ta obtenibel na centro di FAVI na Prima-
vera 233.
Tur fondo recauda, FAVI ta usa pa nos por sigui brinda y ofrece
servicio na tur persona cu tin un limitacion di bista.
Di antemano nos ta gradici tur sponser cu di un of otro manera
a contribui n’e caminata.

Pa mas informacion of pa tickets por yama nos libremente na
582-5222 of 582-5051. FAVI kier invita bo pa bin pasa un rato
alegre y saludabel. Cumpra bo ticket tempran pa bo no keda afor!