Page 27 - AWM13DEC2016

AWEMainta Diamars, 13 December 2016 27

Na Paradera

Prome Minister Mike Eman a inaugura

Caya Juancito Marciano ‘Chay’ Lacle

FIN di siman a clausura cu hopi alegria den curason di
Paradera na momento cu a devela e borchi cu ta dedica
caya na sr. Juancito Marciano ‘Chay’ Lacle (dfm).
Un grupo grandi di famia Lacle, bisiña y amigonan a com-
paña durante e ceremonia den cual Minister President
Mike Eman a realisa e develo hunto cu sr. Chay su nieto.

Pa famia y amigonan sigur un momento hopi special y
emotivo caminda a recorda nan ser stima, pero tambe
di hopi orguyo y satisfaccion pa mira con Gobierno di
Aruba ta dun’e su debido reconocemento.
Pa Premier Eman esaki tambe tabata un momento masha
special den cual personalmente tambe por a recorda y
rindi reconocemento na un bisiña di dje mes pa hopi aña.

“Ningun duda cu Chay tabata un amigo y pueblo di
Aruba ta reconoce loke Chay Lacle ta nifica pa nos pais,”
asina e mandatario a expresa.
Caya Juancito Marciano ‘Chay’ Lacle ta nomber di e caya
cu ta conecta e caminda principal di Paradera na altura
di Pacifico Restaurant y cu ta bay Noord den direccion
di Jaburibari.
E ceremonia tabata presencia tambe pa Minister Paul
Croes y Parlamentarionan Norman Roos, Rene Herde y
Clarisca Velasquez.

Prome Minister a gradici e cooperacion di sr. Renny
Lacle den e esfuerzonan pa cu nombramento di e caya,
Departamento di Obranan Publico y tur esnan presente.