Page 28 - AWM13DEC2016

28 AWEMainta Diamars, 13 December 2016

Famia Olimpico a bin hunto y recorda e mihor Ciclo

Olimpico for di Comite Olimpico Arubano su existencia

“SIN duda esaki tabata e mihor Ciclo Olimpico for di COA su ex-
istencia”. Esaki tabata palabranan di Secretaria General di Comite
Olimpico Arubano, sra. Nicole Hoevertsz diadomingo merdia du-
rante di un ambiente familiar y festivo, unda miembronan di e famia
Olimpico a clausura e aña deportivo 2016 cu un dushi brunch na
La Vista di Aruba Marriot Hotel & Stellaris Casino.
E directiva hunto cu su staff di empleadonan como tambe e colab-
oradornan, ta bin hunto p’asina reviva e momentonan bunita di e
aña deportivo 2016, un aña super exitoso cu a culmina cu e partici-
pacion di 7 atleta clasifica den e Weganan Olimpico di Rio 2016.

Como organizacion COA a logra profesionalisa su mes consider-
ablemente y asina ta logra duna mas apoyo n’e mundo di deporte
Arubano.
Despues di e Congreso algun siman atras hunto cu e federacionnan
deportivo y otro stakeholdersnan, e retonan di 2017 pa COA lo ta
uno grandi, unda lo mester traha mas duro ainda pa supera e bon
aña 2016, pero hunto lo traha duro pa logra tur meta poni den 2017.

Comite Olimlico Arubano kier a gradici tur cu di un of otro manera
a traha duro p’e exitoso aña 2016.
Na final tur miembro a haya un osbsekio chikito como muestra di
aprecio mientras Julaika Erasmus Vrolijk a haya un regalo pa su 10
añanan den servicio di COA.

N’e federacionnan miembro, e boluntarionan, atletanan, entrena-
dornan, staff tecnico, personal, integrantenan di e comisionnan,
medionan di prensa y en particular e prensa deportivo, miembronan
di directiva, staff, personal, colaboradornan y cada un di esnan cu
ta forma parti di e Famia Olimpico Arubano, e mihor deseonan p’e
dianan di Pasco y un bon cambio di aña.