Page 7 - ATA

Aruba transformando turismo di

cantidad pa calidad

MAY 23, 2017Aruba News 303 Views

ORANJESTAD, Aruba – 22 di mei 2017: Manera ta conoci, e ultimo lunanan di 2016 a bin cambio den
Ministerio di Turismo y asina a adapta e maneho tambe, den cual ta duna Aruba Tourism Authority mucho
mas espacio pa traha y a cera aliansa strategico cu partnernan den e industria, manera AHATA. E formula di
dialogo y transparencia sin duda a duna resultado, pa cual e cifranan entre Januari pa April 2017 ta prueba di
un maneho mucho mas habri, mas transparente y enfoca riba logro.
Si tuma ocupacion como ehempel, ta bisto caba cu ocupacion di cambernan di hotel a aumenta den e prome 4
lunanan di e aña aki, si compara cu e aña anterior. Pero, como cu aña pasa ya no tabata mucho bon debi na e
situacion na Venezuela, a opta pa compara cu aña 2015 tambe.

Asina por nota cu entre Januari pa April 2015, e ocupacion di e hotelnan mas grandi di nos isla tabata di
82.7%, e mesun periodo na aña 2016 tabata di 79.9% y e periodo e aña aki ta di 85.8%, cu ta nifica un aumento
di 3.1% compara cu dos aña pasa cu tabata un bon aña. E locual mas a aumenta, cu ta prueba di e cambio den
turistanan biniendo Aruba, ta e tarifanan cu cada huesped ta paga pa camber. RevPar entre Januari pa April
2015 tabata di $234.29 y a baha aña pasa den e mesun periodo te na $224.90 pero a aumenta drasticamente e
aña aki na $248.52, cu ta nifica un crecemento di no menos cu 6.1% compara cu dos aña pasa!

“Mi ta masha contento di comparti cu pueblo cu nos partnernan den e industria hotelero a informa cu e
hotelnan di Aruba a logra e crecemento den ocupacion di cambernan di mas halto entre 9 diferente destinacion
den henter Caribe, ora enfoca riba e luna di April 2017. Es mas, luna pasa Aruba tabatin e crecemento di luna
pa luna di mas halto den ocupacion”, asina Minister Ing. Mike de Meza a anuncia cu un sonrisa di satisfaccion
riba su cara. “Pero no ta solamente den ocupacion nos a resalta, pasobra den RevPar tambe Aruba tin e
crecemento mas grandi den luna di April ora compara cu e region Caribense y claro, esey ta motibo pa nos ta
hopi contento”, di acuerdo cu Minister Mike de Meza. E ta kere den laga e expertonan den ATA funciona cu e
independencia necesario, traha hunto cu partnernan y mesora ta nota mehoracion!

Na final, ta importante destaca e hecho cu, desde Januari pa April, e hotelnan di Aruba a sa di demostra e
ocupacion di camber mas halto den region, cu 85.8% y riba dje a sa di logra e aumento mas halto den RevPar,
esta di 10.5% segun e organisacion di hotelnan.