Page 22 - MIN JUS 14 JAN 2017

Minister Arthur Dowers riba huramentacion: Ekipo
canino ta hopi necesario pa Aruba

Friday, 13 January 2017 22:28
Comparti

Nos a papia cu minister Arthur Dowers, caminda cu un grupo di persona cu ta trahando na KIA a
ricibi nan huramentacion. El a splica cu e K9 Unit di KIA

, a huramenta como buitengewoon agent van politie y ta duna nan e posibilidad di banda di e trabao
cu nan ta haci caba di control, cu nan por traha proces verbaal na momento cu nan constata cierto
cosnan cu no ta na ordo. Nan ta haci e listramento den prizon y ta constata productonan ilegal den
prizon. E ora nan mes awor por traha proces verbaal. Ta importante pa bisa cu nan a haci un
opleiding pa esaki. Nan no ta haya un huramentacion asina regala. Nan a haci nan training y tur a
pasa esaki y door di esey nan a huramenta pa bay haci nan trabao den un forma mas profesional.

Ta un team cu a crece ultimo añanan cu a desaroya den prizon y ta bisa cu e trabao cu a bin ta haci ta
uno di un nivel sumamente halto cu ta sumamente contento cu por agrega un otro parti importante
di e grupo profesional aki. Tin un miembro caba cu ta un agente policial y tambe ta duna liderazgo
na e team.

E lo sigui
E grupo aki cu a huramenta ta forma parti di e riot team di e prizon. Tin e riot team prepara. Nan a
wordo getrain y ta evaluando si tin cu bin cu gruponan nobo y tin cu bisa cu tur hende cu ta traha
den prizon ta drenta den e proceso di training. Aña pasa a cuminsa cu un plan di training pa henter e
prizon. E siman aki a cuminsa cu diferente training y tin cu bisa cu na Maart lo por rond af e proceso
di e werving caminda cu lo recluta personal nobo pa traha den prizon. Nan lo wordo opgeleid pa
drenta e ramo di trabao den prizon. Ta cuminsa cu un opleiding basico y despues lo wordo selecta si
lo bay den direccion di beveiliging of traha den prizon mes, como bewaker. Tambe ta bay duna e
bijscholing na esnan cu ta traha den prizon.

K9 Unit
Un ekipo canino ta necesario na Aruba, segun e minister. Ta un team por ehempel na Hulanda nan
tin e landelijke team. Tin un team special pa henter Hulanda pa traha den prizon. Tin persona cu ta
critica riba hecho cu nan ta uza cacho den prizon. Por mira cu tin persona tambe cu ta duna critica
riba hecho cu ta uza cacho den prizon. Tin cu tene cuenta cu e cachonan tin diferente funcion. Tin
cacho ta bay den prizon pa busca droga, tin ta busca celular y tin cacho tambe cu ta surveillance
honden. Nan ta mas pa actua durante un riot. Nan no ta haci nada, si abo mes lanta of altera contra e
autoridad den prizon, por haya bo confronta cu e cachonan ey. E otro cachonan cu ta traha regular
den prizon, ta busca droga, tanto cerca bishitante como den cel y tambe cu e ley nobo cu a pasa, por
controla tur personal cu pasa den prizon. Ta un instrumento valioso cu por reduci risiconan y
introduci contrabanda