Page 4 - AAA

su homologonan Australiano, Hon Darren Chester y Chines, Li Xiaopen.
“Nos ta mantene e speransa cu tin uninformacion nobo den futuro y e avion
wordo localisa,” e responsabelnan di e paisnan, conoci como e Tripartite MH370,

a agrega.
E decision a wordo tuma, apesar cu e Oficina Australiano pa Siguridad den

Transporte (ATSB), cu a lidera e buskeda, a recomenda dia 20 di December
ultimo, pa continua cu e operacionnan di buskeda den un area di 25 mil

kilometer cuadra panort di e zona rastrea te na e momento.
“Defrauda cu e buskeda di MH370 a wordo suspendi. Specialmente si e

expertonan ta pensa cu tin luganan miho pa busca,” e ex prome minister
Australiano, Tony Abbott a afirma riba su cuenta di Twitter.
Algun di e famianan a reacciona negativamente na e anuncio, ya cu nan no a

perde speransa di haya e restonan di e avion tras mas di dos aña y mey di
buskeda infructuoso. Voice370, un colectivo di famia di e victimanan, a mustra

“consterna” y cualifica di “cortina di huma” e reunion entre e responsabelnan di
e buskeda.

“Segun nos pensamento, ta extende e buskeda na e area nobo defini pa e

expertonan ta un obligacion ineludibel debi na e publico y na interes di e
siguridad aereo. No por permiti cu e avionnan comercial disparce sin rastro,” ta
wordo indica den un comunicado.

E avion di Malaysia Airlines, a disparce dia 8 di Maart 2014, mas of menos 40
minuut despues di lanta vuelo di Kuala Lumpur rumbo Peking y di pa un hende

paga e sistemanan di comunicacion y bira e aparato.
Ademas di e pasaheronan Chines, abordo tambe tabata biaha 50 Malasio (12 a

forma parti di e tripulacion, 7 Indones, 6 Australiano, 5 Indio, 4 Frances, 3
Mericano, 2 Neozelandes, 2 Ucraniano, 2 Canades, 2 Irani, un Ruso, Un

Hulandes y un Taiwanes.
Te na e momento, a recupera algun piesa lastra pa e coriente di Mar Indico te
na e beachnan di e islanan Frances di Reunion, Mozambique, Mauritius, Sur

Africa y e isla Pemba (Zanzibar), den e parti oriental di Africa.