Page 8 - AAA

AWEMainta Diamars, 17 Januari 2017 25

Bon dia yen di alegria
Bon dia yen di alegria

Skirbi pa: Ruthy “Lady Ruth” Vrieswijk-Bergen
Skirbi pa: Ruthy “Lady Ruth” Vrieswijk-Bergen

BENDICION y mas bendicion di awacero riba nos pida baranca
cu dia pa dia ta bira mas berde.
Y mi kiermen e berde den nos dushi naturalesa rond di nos.
Den nos cura, den mondi y unda cu tin flora y fauna. Plasnan di awa
di lodo ta forma, autonan cu ta pasa core toch net duro bastante pa
spat awa y muha e peatonan cu ta canando riba acera. Rioolnan cu
ta yena bay over, algun pa motibo cu algun restaurantnan den cen-
tro di Oranjestad ta benta nan azeta usa den e sistema di riolering.

Of simplemente varios cas construi den e rooinan di antes cu pa
medio di awacero, yobidanan regular, cu ta exigi nan tereno bek.
Un situacion un crenchi fastioso tambe pa e amanan di cas cu tin
monton di paña pa laba. Tur wardando den e macutonan keto keto,
pa wak ki dia nan por wordo laba, pasobra laba ta awo mas facil cu
colga pafo na cabuya pa seca.
Toch, esnan cu por, ta busca of haya un moda di cumpra un dryer
pa seca e pañanan.

Pero...algo cu ta surgi cada biaha atrobe ora awa yobe ta nos bunita
recuerdonan como mucha hungando, bulando y bailando den dj’e.
Laga cada gota cristalino cay riba nos cara, bula den e plasnan y canta
nos cantica: “Awa ta yobe lamper abao, solo ta kima nos juffrouw”.
Si, hopi di nos cunukeronan of esnan cu pa hobbie ta plantando ,
ta gosa di e dushi awcero aki sigur. Nos ta warda riba bonchi largo
y pinda. Di nos mesun tera. Ken cu tin pa bende por yama nos li-
bremente, nos ta bin na careda!

Nos cura ta parse un “jungle” di tur sorto di mata berde, sorto di
yerba. Trabaonan di chapi ta lanta cabes. Danki Dios cu ya mi tin
mi hendenan cu por chapi nos cura pa nos.
Ta nos turistanan lo ta esnan cu kizas no ta “smile” hopi ora awa ta
yobe, pasobra nan ta bin pa e solo cayente y nos beachnan bunita
limpi, nos lamannan blauw. Nos ta bisa nan cu nos isla tambe merece
e bendicionnan di awacero sigur, no por ta seco stof y cayente so.
Ban sigui duna Dios danki pa tur tempo tur momento. Si, tambe pa
e awacero na abundancia.
Y danki pa un otro dia yen di alegria!