Page 35 - AHATA_Neat

ATA: Aruba den Top 5 destinacion pa

vacacion cu famia

Posted on 05/8/2019 9:49 am AST | Updated on 05/8/2019 11:23 am AST

ORANJESTAD - Aña 2019 ta sigur mustrando di ta un aña sumamente positivo pa
Aruba den cuadro di expandiendo Aruba su visibilidad riba plataformanan internacional.
For di ricibiendo diferente reconocemento internacional pa campañanan recien bao guia
di Aruba Tourism Authority, te cu e honor di wordo reconoci den un publicacion por
medio di USA Today’s 10Best & The Points guy. Asina oficina di turismo di Aruba ATA
ta raporta den un comunicado. Segun e comunicado, The Points Guy a lista Aruba como
un di e cinco destinacionnan top pa vacacion cu famia (5 Hot Summer Family Vacation
Destinations), e unico isla den Caribe reconoci pa ta e destinacion perfecto pa famianan
cu ta gusta naturalesa y ta stima beachnan. E articulo ta toca riba e variedad di
actividadnan pa famia cu ta obtenibel riba nos isla y con accesibel Aruba ta por medio di
airline. Divi Aruba All Inclusive y Hyatt Regency a wordo nombra den e articulo como
luganan pa keda y disfruta di e experiencia completo di Aruba pa bo siguiente vacacion
cu famia. The Points Guy ta publica consehonan directo cu ta yuda e lesadonan
engrandece nan experiencia di biahe. Nan ta enfoka riba con destinacionnan y puntonan
por beneficia bo, promove hotelnan, resorts, airlines y diferente destinacionnan. The
Points Guy tin un UVPM (Unique Visitors Per Month/Website Data) di 1,838,868, un
plataforma popular mundialmente.

https://www.noticiacla.com/news/15798