Page 12 - WEB

ATIA kier sindicatonan stop di ‘exigi

cabez’ di companianan estatal y

fundacion

Posted on 12/20/2018 10:47 am AST | Updated on 12/20/2018 10:48 am AST

ORANJESTAD – E gremio comercial ATIA kier sindicatonan respeta cuadro legal di
companianan estatal y fundacionan. Asina nan ta informa pa medio di un comunicado.
Nan ta referi na e forma con ultimo tempo sindicatonan ta ‘pidi cabez’ di cierto hefe di
compania of fundacion.

Den luna di april 2018 ATIA a emiti un relato di prensa den cua a señala un desaroyo
preocupante caminda sindicatonan ta exigi retiro di director di companianan estatal. Den
tal relato a indica di ta sigui e desaroyo di serca y alaves a hasi un yamada na sindicato pa
keda enfoca ariba e respresentacion digno y professional di nan miembro pero semper
respetando e cuadro legal y e autoridad di e organonan cu ta regula un compania di
estado.