Page 54 - VOS
P. 54
Departamento di Salud Publico cu foyeto “Permiso pa lanta
un Cas di Cuido, informacion y rekesitonan”
Sunday, 05 February 2017 17:12
Comparti
E Ordenansa Nacional Cas di Cuido 2015 no.61 a bay na vigor desde 1 di augustus 2016. Un ley cu ta
stipula tur loke mester cumpli cu ne ora ta cuminsa un cas di cuido.
Seccion Cuido di Nos Grandinan di Departamento di Salud Publico (DVG) tin un foyeto disponibel cu tur
informacion y e rekesitonan ora ta planea pa cuminsa un cas di cuido. E foyeto aki ta ofrece un
compilacion practico di tur documento cu mester keda entrega ora ta trata un peticion nobo pa permiso y
na unda por obtene esakinan. E ta ofrece tambe un descripcion di e procedura despues cu entrega e
peticion na Departamento di Salud Publico, Seccion Cuido di Nos Grandinan.
Segun e ley tur persona/organisacion cu kier lanta un cas di cuido tin cu entrega un peticion pa permiso.
Pa e casnan di cuido existente un peticion pa permiso mester a wordo entrega prome cu dia 1 di februari
2017 na Departamento di Salud Publico, Seccion Cuido di Nos Grandinan, situa na Oduberstraat #2,
Oranjestad.
Durante e ultimo lunanan di 2016 e Seccion Cuido di Nos Grandinanan di Departamento di Salud
Publico (DVG) a organisa diferente encuentro cu tur e casnan di cuido y a duna amplio informacion y
splicacion riba e contenido di e ley nobo.
Ya caba den e siman cu a pasa diferente cas di cuido a presenta na DVG pa entrega oficialmente nan
peticion pa permiso. Por bisa cu mayoria cas di cuido a acerca DVG pa haci cita y a entrega nan peticion
pa permiso.
E desaroyo positivo aki ta aporta grandemente na un miho calidad di cuido pa e poblacion di Aruba cu, -
den cuadro di e vision di Ministerio di Salud Publico, Deporte y Cuido di Nos Grandinan- cuido ta un
prioridad hopi importante.
Pa mas informacion por yama Departamento di Salud Publico na 5224200, Seccion Cuido di Nos
Grandinan.
