Page 59 - VOS

Ileana Naar: Mi a acerca tur instancia di gobierno y hasta
gobierno sin por haya e yudanza real pa mi yiu Axcel Naar

Sunday, 05 February 2017 19:13
Comparti

Nos tabata tin un cobertura di un yiu di sra. Ileana Naar, cu tabata treciendo cierto problemanan den
bario di Ponton. Pero tin un historia su tras.
A papia cu Ileana Naar, kende ta e mama, a splica un tiki riba e yiu, cual no ta na cas mas. El a bay un
otro caminda.
Axel Naar, for di su di 4 aña di edad, a cuminsa haya problema di comportacion na scol, cual a wordo
manda pa un neuroloog. A cuminsa cu su testnan. Na 2008, nan a bay biba afo y eynan tambe tabata bao
di tratamento. Na 2011 nan a sigui cu e tratamentonan, pero a presenta problemanan mas severo. Via
Voogdijraad, sociale Zaken, y scol, el a wordo getest door di diferente hende na Aruba. E
kinderpsychiater mes tabata manda carta pa minister cu e mester wordo poni den un instituto adecua
p’e, cos cu no a haya oido nunca.

Situacion a bira pio

Constantemente mester a yama polis. A yega di cera e famia den cas, dal nan hasta cu martiu.
Problema cu adiccion

E yiu tin un aña y algo ta humando marihuana. E ta yega na dje door di e amigonan cu e tin riba caya. El
a cuminsa sali for di cas. Tempo e tabata mas chikito, por a want’e den cas. Pero awo el a cuminsa sali cu
hendenan mas bieu cun’e, haciendo e problema pio ainda.
No ta bay scol

Sra. Naar tin mas yiu y nan tur ta bay scol, pero Axcel si no. Ta bezig awor aki cu MDC pa pone un
caminda. Tempo cu nan a bay biba afo, el a stop di bay scol. Ora cu a bin bek Aruba, a schrijf’e uit for di e
scol cu e tabata aden y su cupo a wordo tuma y tampoco no tabata tin luga via SKOA.

Situacion no ta facil
Sra. Naar no ta trahando. E ta cobrando onderstand actualmente. E tabata haya voedselpaket cu nan a
kita for di dje for di December y e no ta facil. E no tin descanso. Door cu Axcel ta na PAAZ, e tin tiki
descanso, pero mayoria biaha e no por drumi. For di tempo cu el a cuminsa bek ta horta den auto di un
juffrouw, el a acerca voogdijraad. Nan tampoco no por haci nada pasobra no tin un caminda por hink’e
aden. El a wordo manda Colombia dia 19 di September 2015. El a wordo manda bek pasobra e psikiatra
na Colombia a bisa cu falta un papel den su file y no por tum’e asina ey. Ta parti di su record medico
completo. For di nacemento te grandi y esey no a bay completo. Sra. Naar a splica cu e psikiatra mester
manda pidi’e via hospital.