Page 68 - JUS

Polisnan Rabia: Nos kier pa Sindicato SPA representa nos
dignamente y no usa nos pa Politica

Saturday, 11 February 2017 15:15
Comparti

Tur ora bay tur ora bin, semper ta nos ta esnan cu ta wordo critica na momento cu algo negativo sosode.
E insultonan cu ta wordo haci den nos direccion na momento cu por ehempel, nos ta haciendo nos
trabou di prevencion, door di para un auto y controla si tur nan papelnan ta na ordo.

Nos no mester bay den detayes di esaki nan pasobra tur hende sa, pero esnan cu mester contra aresta
esaki, semper ta na soño of ta preocupa nan mes cu nan propio belang. Nos a fada y nos a cansa. Na
presidente di SPA, si bo no por cu e funcion, duna bo mes e honor y baha na awa. Pasobra entre otro ABO
ta e prome yama como presidente y vocero pa sali duna informacion positivo di nos como boso miembro
na pueblo. Pero ta keda keto y pueblo ta bati nos cu palo. Un otro ehempel ta, ora cu nos ta wordo
menasa, nos ta haci denuncia y kico ta sosode? Net nada pasobra e observacion di parti Ministerio
Publico y rechters ta, cu ta pasobra cu nos a kies pa e trabou aki, cu nos mester por sa cu esey ta e risico
van het vak.

Pero, awo cu ta un hues a wordo menasa, di biaha a bay hasi detencion. Acaso pasobra cu e ta un
Hulandes Europeo e ta bal mas cu nos cu ta Hulandes Caribeño? Ban ta serio SPA, unda boso a keda pa
nos derechonan como POLIS y ser humano? Pasobra ningun Hues ta mas cu nos! Nos kier trato igual,
dus cuminsa pone presion riba Ministerio Publico pa trato igual. Yama procurador general y puntre si
acaso nos polis ta menos cu e hues. Boso ta un berguensa pa nos. Nos no ta interesa den politica dus haci
nos e gran fabor y representa nos como sindicato dignamente, paso ta esey so nos kier. Te aki pa awo!!