Page 70 - JUS

Riba su ley di castigo minimo: Lider di MEP gañando pueblo
pero gañando su mes prome

Sunday, 12 February 2017 19:00
Comparti

Un lider politico cu ta anhela pa yega na poder pa goberna nos pais, mester ta un hende di kende
pueblo ta bon na altura cu e ta honesto ora cu e papia cu pueblo.
Sinembargo na momento cu presenta un lider politico cu no por ta honesto ni cu su mes, anto e
ora pueblo ta ser someti na un situacion serio ya cu si e lider politico no por kere den su propio
berdad, ta con pueblo por kere cu e ta sincero y honest.
Fraccion di AVP ta mustra cu lider di MEP, Evelyne Wever Croes ta insisti pa no bisa pueblo e
berdad di su iniciativa di ley, caminda e kier a presenta un cambio di ley pa stipula castigo
minimo pa abuso sexual contra menornan di edad.
Mientras cu siman tras di siman, Evelyne Wever Croes ta pretende cu AVP ta contra di
introduccion di un cambio di ley pa castigo minimo den e casonan menciona, e ta lubida di bisa
cu for di 2011 su persona a entrega su iniciativa pa cambio di e ley pa loke ta castigo minimo y
a manda esaki pa tanto Gobierno como e departamentonan cu tin cu atende cu esaki.
Pa hunga politica barata Wever Croes ta sigui insisti den su declaracionnan cu Gobierno a
neglisha su proyecto di ley y cu ta traha contra di esaki, mientras cu ta bin Sali na cla cu ta e
propio Evelyne Wever Croes, no kier perde tempo mas cu su iniciativa di ley, ya cu e tin tur cos
den su poder pa presenta esaki na Parlamento.
El a acusa Minister di Husticia di falta di seriedad y Gobierno di AVP tambe pero for di 4 di
Januari di 2012, un carta a ser manda pa Evelyne Wever Croes den su calidad di legislado
caminda tanto Directie Wetgeving en Juridische Zaken como Minister di Husticia, a manda nan
pensamento riba su iniciativa di ley.
Den e carta cu a cumpli cinco aña di existencia, ta mustra riba diferente punto, entre otro
aspectonan cu e lider di MEP mester tuma na consideracion y tambe pa a duna mas aclaracion
tras di su intencion pa e cambio di ley aki.
A manda pidi Evelyne shete punto pa su persona aclaria su motivacion y con e lo mira cu e
cambionan aki lo atende diferente aspecto di e ley y kico esaki lo logra cu su implementacion.
Cinco aña pasa e carta aki a bay pa e lider di MEP y nunca el a reacciona ya cu fraccion di MEP
ta kere cu contenido di e carta aki tabata nifica cu Evelyne lo mester a bin trabou y traha riba
dje, loke ta algo sumamente dificil den ultimo añanan pa e haci como lider politico.
E carta pa colmo ta firma pa Minister di Husticia y a drenta Parlamento dia 4 di Januari di 2012
y cinco aña despues e lider di MEP kier hunga wega politica barata cu su ley di iniciativa pero
no kier papia e berdad cu pueblo, bisando pueblo cu e ta interesa pa traha pa sirbi interes general
di nos pueblo.