Page 3 - Djaweps-27-Desember-2018.pdf

Djaweps 27 Desèmber 2018 3
Dama a

bira malu

den baño i

fayesé

WILLEMSTAD.- Djabièrnè
último alrededor di binti pa
nuebe di anochi, Sentral
di Polis a dirigí un patruya
na De Ruyterkade na un
establesimentu di horeca
kaminda un dama a bira
malu.
Na e sitio polis a topa
ku un dama ku personal di
ambulans tabata reanimá
pero sin resultado.
For di un investigashon
preliminar ku polis a
realisá na e sitio, personal
di e establesimentu ariba
menshoná a deklará na polis
ku e víktima a drenta den
baño di e establesimentu i
no a sali bèk.
Personal di seguridat a
fòrsa e porta di baño i topa
e dama for di konosementu.
Dòkter di polis ku a
presentá na e sitio a konstatá
morto di e dama A.V.K. di 48
aña di edat. Riba òrdu di
Fiskal di Ministerio Públiko
a konfiská e kurpa sin bida
pa mas investigashon.
E investigashon den e
kaso aki ta kontinuá.

Turista a

sak den

otro i

fayesé

WILLEMSTAD.- Djabièrnè
ambulans a keda dirigí
pa Plasa Efraim Jonckeer
kaminda un turista a bira
malu.
Na e sitio polis a en
kontra ku personal di
ambulans ku tabata trata
na reanimá e víktima pero
sin resultado.
For di un investigashon
preliminar ku polis a realisá
na e sitio, e partner di e
dama a deklará na polis
ku e i su pareha tabata
kanando i direpente e dama
a sak den otro. Dòkter di
polis ku a presentá na e
sitio a konstatá morto di
e dama turista prosedente
di Canada di 75 aña di
edat. Riba òrdu di Fiskal
di Ministerio Públiko a
konfiská e kurpa sin bida
pa mas investigashon.
E investigashon den e
kaso aki ta kontinuá.