Page 37 - Djaweps-27-Desember-2018.pdf
P. 37
Djaweps 27 Desèmber 2018 37
E subrino a kore drenta Ambulans ku a yega na e
Kontinuashon di pagina 2 kas i na e momentu ei e tio a sitio no por a hasi nada mas
Tio ta bai regla kuenta
bolbe lòs dos tiru dirigí riba pa e víktima.
dje ku a alkansá un subrina. Dòkter di polis ku a
dirigí riba e subrino, ku Despues di a kometé e yega na e sitio a konstatá
no a alkansá e subrino. akto e tio a bandoná e sitio. morto di e dama, Maeva D.
Martina, nasé na Kòrsou dia
8 yanüari 1993.
Riba òrdu di Fiskal
di Ministerio Públiko
a konfiská e kurpa sin
bida di e víktima pa mas
investigashon.
For di lokual EXTRA por a
komprondé serka famianan
ta ku for di bispu di Pasku,
esta 24 di desèmber tabatin
problema serio na e mesun
adrès aki pa asuntu di
kabritu.
E dia ei famianan a bati
alarma serka outoridatnan i
indikando ku e tio lo mester
a menasá nan ku arma di
kandela.
Famianan a pidi
outoridatnan pa kita e arma
(Skopèt di kartucha) for di
e tio debí ku ya nan tabata
sinti nan insigur dor di e
menasa.
Pero polisnan lo a indiká
ku nan no por kita arma for
di e hòmber, debí ku e tin
pèrmit pa us’é riba su tereno
debí ku e tin krio di bestia.
Ayera dos dia di Pasku,
26 di desèmber e problema
a bolbe eskalá mainta
trempan despues ku a bin
un bringamentu entre e tio i
e subrino en kuestion.
Mesora e subrino a kore
bai serka su tanta (ku ta
mama dje defuntu) ku ta
biba riba e mesun tereno, i
pidié pa kompañé bai warda
di polis, pa asina entregá un
keho kontra di e tio.
Tabata na momentu ku
nan tabata sali kurá ku outo,
nan a topa ku e tio kara kara
ku arma di kandela di man
dirigiendo esaki riba nan.
Nan a opta pa kore bai kas
pa skonde, pero e tio a lòs
bala riba e outo.
E subrino i e tanta a baha
for di outo i trata di kore bai.
E subrino a kore drenta un
kas, miéntras e tanchi a
skonde den banda di outo.
E momentu ei e dama
víktima ku tabata sintá
den balkon di kas, a tende
bochincha i a bai lur pa wak
kiko ta pasando.
Nèt e momentu ei e tio
a lòs bala dirigí riba e kas
di famia, kual a alkansá e
dama mortalmente den su
garganta i partinan di kara.
E dama tabata un hóben
masha trankil i un bon
studiante ku tabata bishitá
Universidat di Kòrsou.
Durante investigashon
den kas di e tio/sospechoso
outoridat a topa ku dos
arma ku a keda konfiská.
Investigashon den kaso aki
ta kontinuá.
