Page 6 - MIN ECEM
P. 6
AHATA A ORGANISA TRAINING SPECIAL
RIBA “BUSINESS ETIQUETTE”
May 31, 2017 Admin Uncategorized Leave a comment
ORANJESTAD, Aruba – Recientemente Aruba Hotel & Tourism Association (AHATA) a
organisa un training pa empleadonan di companianan miembro di e organisacion trahando den e
industria di turismo y hospitalidad na Aruba.
A scoge e biaha aki den cuadro di desaroyo continuo di e industria #1 di Aruba pa ofrece e
training “Business Etiquette”. Cada participante a ricibi un buki di etiquette y un certificado di
participacion for di e compania cu a facilita e curso, esta Training & Consultancy 2000.
AHATA a organisa e curso riba dianan 19 y 20 di mei ultimo, como cu e cantidad di inscripcion
tabata asina grandi cu mester a parti e grupo. E parti mas grandi a atende e curso na Alhambra
Ballroom y e di dos a sigui e training den AHATA Board Room.
Etiquette apropia na trabao ta mas cu simplemente desplega bon manera y den tres ora y mey
Denise de Jongh-Rekwest a repara algun di e elementonan mas importante pa cu etiquette di
negoshi. E topiconan a inclui: Relacion cu cliente compara cu relacion cu colega; Habilidad
profesional; Higiena y habito personal y etiquette di telefon. Otro areanan cu a discuti tambe
tabata etiquette pa e mundo “electronico” y comportacion cu relacionnan di negoshi.
Na september 1965 a funda Aruba Hotel Association y na 1987 a bira Aruba Hotel and Tourism
Association (AHATA), cu awendia ta conta cu 90 compania miembro. Su miembresia ta varia
for di hotelnan grandi, timeshare, operadornan di tours y companianan grandi y chikito den e
sector. E rol primordial di AHATA ta pa proteha, dirigi y influencia e industria turistico di Aruba
dor di sigura cu sector publico ta aloca fondonan di “Room Tax” den forma apropia, ta inverti e
suma aki efectivamente y ta ehecuta plannan di mercadeo den forma corecto pa aumenta “rev-
par” y e suma cu cada turista ta gasta ora ta di bishita riba nos isla.
