Page 8 - MIN ECEM

AHATA Y TRAVELIFE TA OFRECE

PRESENTACION ENCUANTO

CERTIFICACION INTERNACIONAL PA CU

MANEHO SOSTENIBEL

May 31, 2017 Admin Uncategorized Leave a comment

ORANJESTAD, – Aruba Hotel & Tourism Association (AHATA) recientemente
tabata anfitrion di un presentacion pa su miembronan encuanto di certificacion
internacional pa cu nan maneho sostenibel pa medio di Travelife, un
organisacion basa na Inglatera.

Travelife ta dedica na haci vakantie mas sostenibel, y ta traha cu companianan
envolvi den e mundo di biahe mundialmente pa yuda nan mehora nan impacto
social, economico y medioambiental. Tin diferente hotel na Aruba cu tin un
certificacion di Travelife, y tin hopi interes di parti di otro negoshinan miembro di
AHATA cu ainda no ta envolvi den e programa pa logra nan certificacion.

Companianan cu ta logra cumpli cu criterionan di sostenibilidad di Travelife ta
haya nan certificacion, y esaki ta yuda nan pa promove nan logronan, y atrae
negoshi.

E presentacion, por cierto hopi bon atendi, cu AHATA a organisa tabatin dos
topico principal, esta con hotelnan cu ainda no ta forma parti di e programa por
implementa Travelife, y kico hotelnan cu ya ta certifica por haci pa prepara pa
nan re-certificacion.

A conta entre otro cu presencia di representantenan di Divi Resorts, un cadena
cu na Aruba tin cinco hotel cu un total di cerca di 1000 camber. Henk Swart,
kende ta Chief Engineer di Divi/Tamarijn tabata particularmente interesa den con
pa prepara pa un audit (evaluacion) di Travelife.

Swart a splica cu e diferente reglanan cu nan ta aplicando na e hotelnan di Divi
ta yuda nan spaar hopi energia. E beneficio adicional ta cu hopi di e
empleadonan ta contento cu e conocemento y custumbernan nobo cu nan ta
adkiri riba e tereno aki como cu nan ta aplica e reglanan aki na cas tambe, y
personalmente tambe ta spaar hopi energia, el a agrega.