Page 28 - VOS DEC 19
P. 28
AWEMainta Dialuna, 19 December 2016 29
Sv Britannia Bright Bakery ta titula campeon
di invierno despues di a gana Bubali 8-0
DESPUES cu Sv Britannia Bright Bakery ta perde su prome wega
contra di La Fama dia 11 di december ultimo cu score di 1-0 Sv
Britannia Bright Bakery ta sali brabo contra di Bubali y ta bin gana
cu score di 8-0 y di e forma aki tambe ta titula campeon di prome
round cu un total di 22 punto den 9 wega hunga.
Si mester menciona cu Bubali tabatin difilcultad pa cera 11 hun-
gado y apenas tabatin un hungado como reserva.
Sv Britannia a cuminsa cu e siguiente aliñacion; Jean-Carl Henriquez,
Danni Moza, Derwin Dontao, Aljee Feliciana, Sylvester Schwengle,
Mairon Gutierrez, Alex Hassel, Franklin Ortiz, Luis “Coco” Estrada,
Richard v/der Hoest y Bruno Conceicao.
Manera e wega a cuminsa Sv Britannia Bright Bakery a cuminsa do-
mina e wega y a cuminsa pone e team di Noord bou di hopi precion.
E wega ta bin caba cu score abulta di 8-0 cual goalnan a wordo anota
pa: Bruno Conceicao 3x, Jean-Pierre Fingal 2x, Richard v/der Hoest
1x, Luis “Coco” Estrada 1x, Rookie of the year Ericson Croes 1x.
Un pabien grandi ta bay pa e staf tecnico y na tur hungador cu e
prome logro den campeonato 2016/17. E proximo meta ta lucha
fuerte pa Copa Betico cual torneo a cuminsa caba y unda cu Sv Bri-
tannia lo hunga su prome wega den e prome siman di january 2017.
