Page 15 - awemainta4feb2017
P. 15
AWEMainta Diasabra, 4 Februari 2017 15
Delegacion di tennis a sali p’e World Junior
Tennis Compitition na Republica Dominicana
DIABIERNA un delegacion di tennis a sali pa
Republica Dominicana unda nan lo competi den e
World Junior Tennis Compitition, un competencia
cu ta cay bou auspicio di COTECC y ITF.
Federacion Arubano di Tennis, ALTB ta manda e
biaha aki cu un seleccion femenino y masculino.
Aruba su seleccion femenino U14 cu lo wordo guia
p’e capitan Henk Bouwman ta consisti di Jelsyvette
Croes, Danna Nuñez y Sofie Van Reek.
Pa loke t’e seleccion masculino U14 esaki lo bay bou
guia di capitan Johnny Goitia, mientras e hungador-
nan Sebastian Ruiz, Abhay Daswani y Noah Muyale.
Mester bisa cu aña pasa n’e mesun torneo WJTC
na El Salvador, e tenista Kayla Solagnier haci un
tremendo papel y a logra un di 13 lugar.
E tennis di Aruba ta desaroyando su mes den e rumbo
positivo unda nos tenistanan ta presta bon den forma
esakinan den torneonan local y internacional.
Un danki sigur na Lotto, e Loteria di Aruba pa medio
di Comision di Subsidio cu a subsidia e biahe di e
delegacion di tennis pa e campeonato Junior Tennis
Competition na El Salvador.
Tres sospechoso gara
ta purba drenta via
dak di banco
WILLEMSTAD – Diabierna 3 di februari
2017, alrededor di 1:40am, Central di Polis a
haya notificacion cu riba dak di un banco na Jan
Noorduynweg tin tres homber.
Na yegada di e unidad policial na e sitio, nan a
subi dak di e banco y topa cu tres homber sos-
pechoso rib’e dak. Polis a nota cu e dak tabata
kibra y e plafon tabata saca.
Mesora a detene e hombernan sospechoso: G.J.G.
di 21 aña di edad, D.M.J. di 24 aña di edad,
I.T.T. di 22 aña di edad, tur tres naci na Corsou.
Detencion ta relaciona cu intento di ladronicia
y destruccion. Tambe Polis a confisca un paté
kabra y un tas conteniendo handschoen preto,
mascara preto cu tabata rib’e dak.
A presenta e sospechosonan dilanti un Fiscal Aux-
iliar cu a ordena nan encarcelamento pendiente
di mas investigacion.
