Page 13 - BNDIA ARUBA

a13
riba caya Diamars 31 Juli 2018

Chauffeur bou influencia envolvi den accidente deteni

SEROE PATRISHI -
Diadomingo anochi a
sosode un accidente riba
e caminda di Sero Blanco
pa Sero Patrishi, net
yegando e bocht.

Un chauffeur bou di
influencia di alcohol den
su pick-up Nissan Frontier
berde biniendo di zuid,
tabata core zig zag riba
caminda pa despues hala
na su man robes y dal duro
den trafico contrario den un
Toyota Tercel blanco.

E chauffeur di pick-up no
por a ni baha for di auto corda
pa para riba su pianan. Polis a
presenta y tuma dato. Polis a
pone e chauffeur supla, pero
e chauffeur no tawata sa ki ta
supla e momento ey y no a
keda nada otro cu hibe warda
di polis pa e presenta dilanti
un sub fiscal. Daño material
ta considerabel. No tawata
tin herido.

Mas taxi pirata ta keda gara pa polis

ORANJESTAD - E control di Polis di Bario Oranjestad ta sigui pa loke ta e personanan cu ta haci e trabou di taxi pirata.

Durante hopi di e controlnan ta topa cu auto sin seguro y asina mes e chauffeur ta lanta persona core cu nan. Esaki tabata e mes un caso ora a para un Nissan
Sentra blanco cu a lanta un cabayero y e oficial a para esaki na Shaba. A atende cu e pasahero y e chauffeur a keda na pia, debi cu e auto no tin documento mes.