Page 20 - BNDIA ARUBA

A20 DEPORTE
Diaranson 13 Februari 2019

Atletanan cu lo representa Aruba den Weganan Suramericano na Playa Rosario

ORANJESTAD – Den luna di maart proximo nos atle-
tanan lo competi den e Weganan Sur Americano de
Playa na e ciudad di Rosario, Argentina. E aña aki,
Aruba lo competi den tres wega importante faltando 1
aña pa cera e ciclo deportivo na Tokyo 2020. Despues di
varios aña di cambionan di fecha y ciudad sede, porfin
lo continua cu e weganan di playa den e continente Sur
America.

Aña pasa Argentina tabata anfitrion di e Weganan Olimpico
Hubenil na Buenos Aires, cu tabata un exito rotundo y no
tin duda cu e ciudad di Rosario ta cla pa ricibi e aproxima-
damente 2000 atleta procedente di 14 pais den Sur America,
entre nos dushi isla di Aruba.

Aruba lo competi den cuater ramo di deporte esta Beach Ten-
nis femenino y masculino, Beach Volleyball femenino y mas-
culino y Open Water Swimming. Nos delegacion lo consisti
di e siguiente 10 atletanan

Nos tin como Beach Tennis e atletanan Sander Castro hunto
cu Aksel Samardzic ken lo ta forma e duo masculino y pa e
duo femenino Maud Iza Celaire lo bai hunga cu Dominique
Hopman. Den e parti di Beach Volleyball nos tin e atletanan
Masculino Fransua Angela y Eddy Toro y den femenino nos
tin Mali Rafini y Shekeva Jones. Pa e Open Water Swimming
nos lo tin e atletanan Lucien Peterson y Florence Kock.

Como comision tecnico di COA lo biaha, Beto Thiel mien-
tras pa e asistencia medico nos lo tin Francis Maduro. Vice
presidente Wanda Broeksma lo representa Comite Olimpico
Arubano na e Weganan di Playa. Na banda di e delegacion
di atleta y dirigentenan nos tin como Hefe di Mision, Junior
Dake.