Page 3 - AVB

brommer ni salario, pero por juda papia pe hungado haña un trabow cu ta
mucho mas factibel pasobra e ora bo tin un salario tambe tur fin di luna pa
mantene bo mes y consecuentemente cumpra bo mesun auto of brommer. Y e
club na final di campeonato ta duna bo un recompensa pa bo esfuerzo cual
tambe ta algo extra. Si no stop e fenomeno aki clubnan ta perde nan balor cu
hungadornan cu no ta worry pa ken nan ta hunga nan no lo worry ora perde of
gana paso ta p’e auto of brommer of p’e salario nan ta bin hunga. Arubaanse
Voetbal Bond mester hasi un cambio hunto cu tur team pa cuminsa pone un
sistema cu tur team y hungadornan por deal riba nivel cu otro, sino
hungadornan ta hunga “wega” cu tur directiva anto nivel di futbol mes ta den
decadencia total. Mester frena e fenomeno aki cu ta andando for di añanan caba
pero ultimo tempo a bira mas y mas caminda e hungado ta lubida pa kende e ta
hunga, esta pa e camiseta y mas bien ta hunga pa cosnan material cu toch den
un frega di wowo por wordo perdi y e ora ta con anto, e hungado no tin interes
mes mas pa hunga bala pasobra e no tin e “cos ey” cu el a exigi pa tal club
dune. Corda bon, mes lihe cu bo haya algo, cu bo no a traha duro soda pe, e ta
bai mes lihe di bo mannan.
Tambe awo hopi hungador kier bai cierto clubnan, den aki por menciona RCA,
cu ta campeon di Aruba, djis pa hunga ABC Cup cu Shield Cup anto despues
kico ta pasa ora cu no tin esey mas y e club no por duna bo loke bo kier, anto e
ora si e hungado kier papia malo di e organisacion tambe. Nos redaccion a haya
informacion di tanto cosnan cu ta wordo papia entre hungadonan den e dianan
aki cu realmente bo ta puntra bo mes ta kico e hungadonan aki ta kere den nan
cabez. Hasta te asina leu cu hungado ta kere ta “superstar” caba e ta anto ta
bisa dirigentenan pa no papia cumi, papia cu mi manager, paso te hasta
manager algun hungado tin p’asina nan papia cu organizacion di futbol riba nos
isla. Un situacion sigur increibel pa loke nos conoce akinan cu nos ta hungando
Futbol Amateur. Si bo ta kerebo, Lionell Messi, Christiano Ronaldo awel ruman
sali di Aruba bai den exterior laga bo “manager” deal un contrato pabo cu
clubnan grandi manera FC Barcelona, Juventus of Real Madrid wak si cu e
actitud robez ey bo ta logra algo. Pasobra definitivamente na Aruba bo ta full
“fout bezig”. Ta for di hopi aña caba nos a bin ta señala e situacion aki pero
tanten cu keda menciona cu Futbol di Aruba ta draai riba un base Amateur, anto
e situacion aki no por wordo coregi aunke cu toch AVB lo por pidi y haya ayudo
y conseho di FIFA pa con pa soluciona e situacion aki caminda cu sigur por
ehempel na Merca ora un hungado di basketball ta den su añanan di college, e
no mag di firma contrato pa placa y na momento cu esaki keda descubri, e
penalizacionnan ta halto, kizas no mesun formato ey nos por implementa na
Aruba, pero algo cu ta cuadra cu nos sistema p’asina evita cu e situacion aki
jega na puntonan indesea y “w3444after all” ta Futbol ta keda perhudica y asina
kico ta sosode?? E fanatico mirando cu e nivel di futbol ta malisimo no ta bai
stadion mas y asina nos por dobla warda bisa bonochi y te mañan!!!

https://masnoticia.com/hungadonan-di-futbol-local-ta-exigiendo-auto-brommer-of-salario-halto-pa-
hunga/