Page 6 - AVB

WEGA DI DIAMARS:

Diamars e wega a cuminza cu tiki retrazo, debi cu tabatin awacero trempan riba e
veld. E hungadornan di Aruba tabata Jahmani Eisden (keeper), Shavon Lake, Anthony

Maduro, Bernard Smolders, Ethan Gumbs, Bryaden Koolman, Jair Farro, Kevin Roga,
Terick Monsanto, Jaydon Dania, Giandrick van den Berg.
Substitutonan pa e wega aki tabata Nathan Franken, Auner Posso, Germaine Stroop,
Jay-Jay Hof, Jaysid Mercado, Keon Ross, y Angel Geerman. Coach pa Aruba ta Leo

Garcia.

Despues e wega a cuminza y na di 24 minuut Bermuda a hinca goal.

Na di 31 minuut di wega, Jaydon Dania a scop un cañonaso di bala via di freekick. E
bala a bay y pasa cu asina hopi forza dor di pianan di e keeper di Bermuda, y a bay
goal. Di e forma ey Aruba a empata e wega na 1-1.

Ni un minuut despues, Bermuda a anota un goal, pa asina e score bira 2-1 pa nan.

Halftime na di 35 minuut tin e score na 2-1 na fabor di Bermuda.

Den di dos tempo, na di 44 minuut tabatin un accion dilanti Goal, riba un bala di
corner. Dado momento keeper di Bermuda a rechaza e bala, sinembargo Bryaden
Koolman cu un scop di enkel facilmente a manda e bala goal. Asina Aruba a empata e
wega na 2-2.

Na di 45 minuut, Aruba a haci cambio y Germaine Stroop a drenta na lugar di Terick
Monsanto. Na di 54 minuut, Jay-Jay Hof a reemplaza Bryaden Koolman. Na di 57
minuut, Shavon Lake di Aruba a haya un carchi geel. Na di 64 minuut Keyon Ross

tambe a haya un carchi geel.

Na di 64 minuut, Bemuda a haci e score 3-2. Na di 67 minuut faltando 3 minuut pa
wega caba, Bermuda a haci e score final na 4-2.

E siguiente wega di Aruba lo bay ta Diahuebs 8 di Augustus pa 9:00 am, contra e team
di Antigua & Barbuda, den nan ultimo wega.