Page 22 - AWM18JAN2017

22 AWEMainta Diaranson, 18 Januari 2017

Experience San Nicolas

un biaha mas fabuloso

EXPERIENCE San Nicolas, un evento nobo cu kier duna mas
atencion na e experiencia unico cu tin na San Nicolas, a tuma luga
pa di dos biaha diadomingo 15 di januari.

Tabatin gran interes den e workshop di Mosaïek riba boter di
perfume na Espacio Azul, organisa conhuntamente cu Maggy’s y
dirigi dor di Atemosa.
P’esey esaki lo ta un actividad cu lo wordo ripiti den un siguiente
edicion di Experience San Nicolas. Tambe e stand di Poffertjes a
sirbi personanan cu a bin special pa cumpra e pasa boca aki.

Bishitantenan por a bishita Museo di Industria pagando mita di
prijs y tambe tabatin un seccion special pa mucha. E muchanan a
gosa cu pintamento, figuranan di blaas y tamba a pinta nan cara.
Danki na Keke Mega Mart cu a yuda haci e dia aki uno hopi col-
orido pa e muchanan.
Dos talento grandi di San Nicolas, e rumannan Daniel y David
Jones di 12 aña, a duna un workshop di pinta y verf, splicando
tecnica basico pa tur interesadonan den e artenan aki.
Grandi y chikito a siña hopi y lo por sigui train na cas.

Tur e tiendanan y restaurantnan cu a participa cu Experience San
Nicolas tambe a haya bishitante. Esakinan tabata e. o. Wema, El
Gallo Rojo, Alankar, JM Enterprises, La Aruba, Joy’s Restaurant,
Aruba Store, Charlie’s Bar y O’Niel Caribbean Kitchen.
Subi e pagina di Facebook di Experience San Nicolas y haya sa
ken tur ta e ganadornan di e raffle di e edition di Experience San
Nicolas di 15 di januari ultimo.
Keda pendiente pa e siguiente edicion cu lo ta diadomingo 5 di
februari di 10:00am te cu 2:00pm.