Page 38 - MIN VOS
P. 38
AWEMainta Diamars, 11 April 2017 17
San Nicolas Taekwondo Center a sali
Best Team di 9 Ultimate Taekwondo Cup
DIASABRA ultimo Brazil Taekwondo
Stichting a organisa e di 9 Ultimate
Taekwondo Cup y 4 scol di Taekwondo
a participa y tur scol a inscribi 7 atleta
p’asina nan bringa p’e copa di Best Team.
Master Eric Barry hunto cu su coach Sh-
ual Illidge a forma nan team p’asina nan
bringa p’e copa di Best Team.
E siguiente atletanan a bringa pa Best
Team: Diamond Morillo, Jewell Illidge,
Sergio Whitfield, Myron Adams, Carlos
Hernandez, Rushineldy Lejuez y Akeal
Richardson.
E team aki a logra gana 5 prome lugar y
dos di dos lugar y a acumula un total di
43 punto, Brazil Taekwondo Stichting a
acumula 40 punto, Stichting Tiger Tae-
kwondo Academy a acumula 37 punto y
Noord Taekwondo Center a logra acumula
16 punto.
Master Eric Barry y Shaul Illidge di San
Nicolas Taekwondo Center a keda masha
contento cu nan logro cu a wordo gana pa
nan team di 7 atleta.
Brazil Taekwondo Stichting ta felicita San
Nicolas Taekwondo Center cu nan logro.
