Page 40 - MIN VOS
P. 40
AWEMainta Diamars, 11 April 2017 19
Hugo Themen y Americo Thijzen
Ta gana medaya di Oro den Campionato
Masters Internacional na Venezuela
FOR di Asociacion Masters de Levantamiento de Pesas di Ven-
ezuela, Aruba a hanja invitación pa participa den e Campeonato
Internacional Levantamiento de Pesas Masters y Campeonato
Nacional Masters cu a tuma lugar for di 6 pa 9 di april 2017.
E competencia mes a tuma lugar den Municipio di Guacara, Es-
tado di Carabobo na Venezuela. Aruba a participa cu dos atleta
den e campeonato aki cu ta Hugo Themen den categoría di
77kg y grupo di edad 60 pa 64 aña y e otro ta Americo Thijzen
den categoría di 85kg y den grupo di edad 30-34 aña. Paisnan
cu tabata presente na e competencia aki tabata Aruba, Cuba y
Venezuela mes.
Na e competencia aki tabatin a participación grandi di atletanan
masters den categoría di masculino y femenino. Hugo Themen
den categoría di 77kg ta logra den su hisadanan ta snatch 71kg,
clean & jerk 95kg pa un total di 166kg.
Cu e total aki Hugo ta logra gana medaya di Oro pa Aruba y ta
sali como Best Lifter den grupo di edad di 60 pa 64 aña. Americo
cu tambe a bay bon prepara ta logra den su hisadanan ta snatch
93kg, clean & jerk 115kg pa un total di 208kg.
Cu e total aki Americo ta logra gana medaya di Oro pa Aruba y
tambe ta logra kibra su record personal cu 5kg.
Na final di e Campionato Masters Internacional plakaat a wordo
entrega dor di Presidente di Asociacion Masters di Venezuela sr.
Frank Molina na e paisnan ganador. Prome lugar a bay pa Ven-
ezuela, secundo lugar pa Cuba y tercer lugar pa Aruba.
Directiva di Aruba Amateur Weightlifting Association ta manda
palabra di pabien na Hugo Themen y Americo Thijzen cu gana
medaya di Oro pa Aruba den e V Campeonato Internacional Mas-
ters de levantamiento de Pesas na Estado di Carabobo, Venezuela.
