Page 47 - MIN VOS

AWEMainta Diamars, 11 April 2017 27

Minister di Salud Publico, Cuido di nos Grandi y Deporte, dr. Carlos “Alex” Schwengle

Federacion AVB ta bayendo den bon direccion cu nan maneho
Si tur federacion haci esaki, por lanta interes di federacionnan internacional

DEN fin di siman a tuma luga e di 32 congreso di CONCACAF cu

prome biaha a wordo teni na Aruba. Minister di Salud Publico, Cuido
di nos Grandinan y Deporte, dr. Carlos “Alex” Schwengle a indica di ta
sinti honra di por tabata parti di comision pa organisa e congreso aki.
E mandatario ta mira esaki como un elogio pa e trabou cu nan ta haci-
endo. E no ta kere cu CONCACAF y FIFA no lo tene un congreso na un
pais si e maneho no ta bayendo den un bon direccion.

“Ainda tin trabou pa haci den area di maneho, esey ta un discusion cu
mi tin cu e directiva di AVB, mi ta contento cu nan ta pone e stapnan
den bon direccion locual ta toca un bon maneho, un bon gobernacion
den deporte, nos sa, nan sa tambe y FIFA tambe sa cu falta mas trabou”,
asina Minister Schwengle a remarca.

Tin compromisonan pa keda mehora e añanan cu ta bin. Tin un plan
strategico tambe pa drecha e maneho di wega mes, pero tambe e parti
financiero. Locual ta hopi importante, pasobra awendia no por ta asina cu
placa ta drenta y no sa unda esaki a bay of kico a wordo duna y tampoco
na dado momento no por midi un efecto, Minister Schwengle a indica.

“E efecto mas importante cu ami kier mira, ta cada bes y cada aña mas
mucha ta haci deporte y dado momento nos por yega na un punto cu tur
mucha aki na Aruba ta haci un deporte”, asina Minister di Salud Publico,
Cuido di nos Grandinan y Deporte a remarca.
E por ta futbol, e por ta algo otro y esey no ta importante pa Minister,
pero tanten cu nan ta haciendo movecion y ta haci deporte.

Minister Dr. Alex Schwengle ta kere cu esaki ta un ehempel pa bin cu
mas congreso di diferente deporte. P’esey ora cu a tene e recepcion na
honor di CONCACAF y FIFA, a invita tur federacion.
“E ta pa duna nan un mensahe tambe. Mi ta kere si nos tur hunto, tur
federacion por hiba un maneho mas na nivel, miho gobernacion, miho
transparencia, mas responsabilidad y tambe duna cuenta di responsabi-
lidad, bo ta bay mira cu e federacion internacional lo bay interesa nan
mes mas ainda den nos federacionnan y pa tene conferencianan anual
manera esaki na Aruba locual lo ta algo bon tambe pa nos turismo”, asina
Minister Schwengle a termina bisando.