Page 4 - BNDIA ARUBA

A4 LOCAL
Diamars 21 mei 2019

“Miss Canada” Michelle Begin: ‘Mi kier haci un diferencia den comunidad’

ORANJESTAD – Bon Dia Aruba a entrevista Mi-
chelle Begin, kende tin varios aña haciendo trabou
boluntario riba su mes y ta yuda varios instancia
na Aruba. E ta organisa evento pa recauda fondo y
duna esaki bek na comunidad.

Begin ta comparti cu ta bon pa yuda esunnan cu mester
un man. Cu su bendemento di rifa, e ta haya fondo pa
asina yuda instancia of cualkier persona cu mester. Agre-
gando cu un persona cu ta yuda otro ta haci un bon per-
sona, y ta crea un ambiente feliz.
Begin ta remarca cu nan bishita pa Aruba solamente ta-
bata a area turistico. Te ora el a dicidi di bay mas profundo
pa explora, el a nota e pobresa di Aruba, cu ta existi mes-
cos cu tur luga den mundo.

“Obra di caridad ‘ta mi pasion’, e lo haci’e na cualkier pais
cu e bishita.” Tur e placa cu e ta recauda, e ta duna bek
na comunidad. “Mi ta decorando un cas pa nos anciano,
e ta haci hende aprecia esaki y sinti feliz. Esey ta haci ami
contento. E ta un diferencia pa hende.”
Recientemente Begin a adopta un ballpark na Piedra Plat,
cu lo yama ‘Miss Canada Flatstone Ballpark’. El a asocia
cu nan y compromete pa haci e luga bunita den 5 aña, pa
hende por wak con e lo yuda cu mantencion di e luga.

Begin tin 41 aña biniendo Aruba, y 8 aña ta trahando ‘di
curason’, pasobra el a dicidi cu e kier a haci algo pa per-
sona cu tin necesidad na Aruba. Su soño prome tabata pa
participa den Carnaval, ora e hunto cu su casa a logra par-
ticipa, for di e momento ey, el a dicidi di organisa e prome
torneo di volleybal pa e recauda pa por duna hende di
Aruba.

E ta considera Aruba como un di e islanan mas bunita
di mundo. E rason cu e ta bisa esaki ta pasobra ‘hende di
aki ta bunita’, y nan ta demonstra aprecio ora hende haci
algo bon pa otro. Esey, segun Begin, ta haci cu e kier sigui
traha pa comunidad. “Mi ta bendiciona di conoce e isla.”

Sinembargo, e ta pensa cu tur hende ta purbando di yuda
un otro den necesidad. Un punto cu el a pone enfasis cu
mester yudansa ta atencion pa nos grandinan. “Nan mes-
ter nos ayudo. Nos tur ta bay bira bieu. Mester percura
pa e luga unda nan ta, ta bunita y limpi pa nan ambiente.

Ora e caba cu un proyecto, di biaha e ta busca otro pa por
haci y mantene su mes activo, sea den ki area cu ta. E ta
pensa cu tin varios organisacion cu por haci esey tambe.
Cualkier persona cu mester yudansa, e ta yuda, y mayoria
di biaha na persona cu tin proyecto pa yuda hende di edad
avansa.
E ta bisa cu e sa di misa of otro fundacion cu ta yuda
persona cu no tin cas, pa duna paña, luga pa baña, nan cu
esaki varios biaha pa luna. E ta expresa cu ta nos deber pa
yuda otro sinti miho.
Na su pais, e sa cu tin departamento cu persona ambu-
lante por yega baña y haya tres cuminda pa dia, solamente
no mag si nan ta bou di influencia. “Esey ta cambio cu
mester trece na Aruba.”

Segun Begin ta splica cu na Aruba hende kier yuda otro,
pero mayoria no sa con. Su conseho ta pa wak otro nan
necesidad, y yuda esunnan grandi. “Busca esunnan cu
ta grandi di edad. Percura pa tur mucha tin educacion
y hubentud pa curasha nan ta bon cu otro, y pa nan ta
boluntario. Esey ta duna cu nan ta sinti bon den comu-
nidad.”

Sinembargo, e ta expresa cu si tur hende traha hunto, por
haci diferencia pa haci algo bon pa otro. Aruba mester
di trabou, pa persona tuma control na diferente depar-
tamento, si ta haciendo nan trabou corecto den area di
hende grandi of mucha.