Page 59 - ATA
P. 59
ORANJESTAD(AAN)–E investigacion di e caso
di Marisol Gomez, ex Vice Presidente Human Resources di Citgo contra e compania
petrolero, ta habri cortina pa situacionnan cu ta confirma tur loke a wordo treci dilanti
di e forma cu Citgo tabata wordo uza como e baca di lechi di PDVSA y regimen di
Maduro.
E documento ta confirma cu no tabata tin control di placa cu tabata circula pa medio di
PDV Holding cu ta wordo yama “black box” den e documento cu a wordo presenta na
Hues den Corte na Merca.
Un persona cu ta haya tur atencion den e documentonan ta Nelson Martinez, hopi
conoci na Aruba caminda el a hunga un papel clave den e negociacionnan y e ehecucion
di loke a wordo haci pa Citgo na Aruba.
Segun e documentonan Nelson Martinez a drenta servicio di PDVSA NA 1980 y tabata
encarga cu supervision di oficinanan na Gran Britania, Ecuador y Argentina.
Na Juni 2013, pues den e tempo cu gobierno Mike Eman tabata rondia un compania pa
habri e refineria segun gobierno anterior semper a bisa, Nelson Martinez a bay traha
como Presidente y Gerente di Citgo.
El a mantene e posicionnan aki te Januari 2017 pa na November wordo deteni pa
corupcion, ladronicia y crimen, manera e documentonan di e caso ta trece dilanti.
Segun acusacion, durante e tempo cu e tabata traha na Citgo, Martinez tabata uza GFC
Consultores pa saca placa for di PDV y Citgo mes.
