Page 60 - ATA
P. 60
Beneficio di Martinez pa Ministro acusa di droga
E declaracionnan aki ta pa duna un bista riba e forma cu Martinez tabata haya placa di
e compania tambe, segun e acusacion.
GFC tabata un compania di Florida cu tabata propiedad di un yiu y un amigo di
Martinez, cu tambe tabata wordo beneficia mescos cu e regimen Nicolas Maduro y
amigonan di e regimen.
Otro persona cu tabata wordo beneficia lo tabata segun e acusacion e actual Ministro di
Energia di Venezuela, cu ta riba e lista di droga di Merca manera otro articulo di awe ta
trece dilanti.
Den e tempo aki, riba recibonan cu Citgo tabata paga por a nota gastonan haci
supuestamente pa empleadonan di Citgo manera cena, drecha cas, etc.
Segun Gomez tur esaki tabata falso. Pero tur e pagonan tabata wordo acorda pa
Martinez, Jose Pereira y Gustavo Cardenas cu tambe a resulta den prizon na Venezuela.
Martinez ta wordo acusa di cantidad di acto criminal pa saca placa for di Citgo y pasa pa
e cuenta di e compania di su amigo y su yiu.
Segun Gomez, Martinez no a uza e reglanan cu mester a uza pa e compania a haya
permiso pa mishi cu placa di Citgo.
En total 6.16 Miyon a wordo saca for di Citgo y PDV pa bay GFC Consultores durante
2014 y 2017.
Na 2016 a pidi cooperacion di Gomez pa corupcion
Segun e documentonan na 2016 a pidi Gomez duna su cooperacion den actonan di
corupcion y ladronicia.
Den e tempo cu a firma e acuerdo Aruba/Citgo, Martinez a pidi Gomez cooperacion pa
firma un documento pa saca 1.7 Miyon Dollar di Citgo y manda pa cuenta di e compania
di su yiu y su amigo.
