Page 22 - FDLP

Delegacion Di Biyar A Competi Den Campeonato

Panamericano Di Biyar Na Lima, Peru

 Deporte
- 28/08/2019

Recientemente 4 di Aruba su top hungadornan di biyar a competi na Lima, Peru unda a
organisa e Campeonato Panamericano di Billar cu a conta cu un participacion grandi di
330 atleta top di henter e continente America cu a ser representa pa 19 pais participando.

Pa Aruba a competi e mihor 4 hungadornan di 2019, esta Gunnar Leonardo #1 riba
ranking y Campeon bola 8 & bola 10 di 2019, tambe nos a haya Martin Appeldoorn #2
riba ranking y Sub Campeon bola 9 di 2019, Jorge Petrocchi #3 riba ranking y Sub
Campeon bola 8 di 2019 y e lista ta sera cu Jorzhino Everon #4 riba ranking y Campeon
bola 9 di 2019.

Tur hungador lo hunga tur 3 disciplina cu ta bola 8-9-10 na Lima. Mester bisa cu e meta
di nos hungadornan tabata pa logra nan clasificacion pa Campeonato Mundial di biyar na
2020. Tambe Jorge y Jorzhino lo hunga dobel pa purba clasifica pa mundial otro aña.

Nos hungadornan a prepara super bon p’e Panamericano aki unda nan a entrena cinco a
seis dia pa siman pa mas o menos 3-4 ora pa dia.