Page 24 - FDLP

Den UANA Panamerican Artistic Swimming

Championship Na Windsor, Ontario Canada

 Deporte
- 28/08/2019

Dianan 19 – 24 di augustus ultimo, nos hoben atletanan femenino den e deporte di
landamento artistico tabata na Ontario, Canada unda nan a competi den e UANA
Panamerican Artistic Swimming Championship.

Aruba a competi cu dos ekipo, esta categoria 12 & Under y 13 – 15 aña. Den e categoria
12&U den solo a competi Abizahi Sanches y Sofia Cardona, mientras den ekipo tabatin e
atletanan Alina Dirksz, Silvana Cardona, Amylene Helder, Camila Tromp, Xiana Hoo pa
un total di 7 atleta.

Pa loke t’e categoria 13 – 15 aña den solo nos a haya, Avigayle Tromp y Angelina
Hamoen, mientras e ekipo tabata ta Edianne Croes, Mariajose Salazar, Melanie Tromp,
Ariana Dijkhuizen, Mikayla Morales, Amber Silva pa un total di 8 atleta.

Mester bisa cu nos atletanan a presta formidable unda den e categoria 13 – 15 aña e
duet Mikayla Morales y Avigayle Tromp cu reserva Angelina Hamoen a logra medaya di
Brons pa prome biaha den e campeonato di UANA Artistic Swimming tras di
representantenan di Mexico y Canada. Tambe e 12&U y e 13 – 15 aña a logra un di 4
lugar den e mesun competencia aki, cual sigur ta un prestacion unico.