Page 111 - KPA

Noticia di Polis: Homber

ta tira botter y herida

muher di dushi bida

Published on March 29, 2017 in Suceso/Uncategorized
ORANJESTAD, Aruba

Durante patruya den Rembrandstraat cerca di un bar, a wordo acerca pa algun persona
debi tin un persona herida. E dama yama P., a declara cu e ta un trahado di placer na e
bar Cortes, y a declara cu rond di 1’or di marduga, e, hunto cu dos otro mucha muhe
tabata para pafo y un homber entre 45 y 50 aña di edad, color cla, cabes pelon cu un
rabo tras di su cabes, a acerca nan. E homber desconoci tabata bao di sea influencia di
alcohol of otro substancia, y a papia palabranan menos bunita cu un otro dama di
placer y a mishi cu su curpa. E dama a atende e homber aki riba su comportacion cu a
haci cu e homber a rabia y a cana bay. Un tiki mas leu, e homber a bira y a tira un
botter di cerbes den direccion di e dama. E botter a kibra na muraya caminda un pida
glas a alcansa P. y a corta su elleboog robes. Personal di Cortes Bar mes a percura pa
e herida. Polis a mira imagennan di video, pero toch e homber a keda desconoci. P. no
kier a duna keho. Central a wordo poni na altura di un ke otro.