Page 114 - KPA

bon. Comerciantenan ainda ta preocupa, pero Sr. Dirks ta enfatiza cu e placa ta
sali for di e saco di e comerciante. Awendia, e gastonan pa siguridad pa cuida
un comerciante su luga ta hopi mas halto cu paar di aña pasa.

Gastonan di siguridad a bay halto, pero e comerciante tin cu haci esaki, pa evita

mas desgracia. Nan tambe ta un target pa e criminalnan. Loke e comision a
ripara cu e casonan di criminalidad ya no ta bin den mucho publicidad. Tabata

tin masha atraco den e ultimo tres lunanan, e noticia no ta sali na claridad pa
wak cu e problema ta mas halto cu nunca.

Sr. Dirks ta bisa cu, sin kier bay den polemica di politica, den bida mester
acepta cu bo mester acepta cu bo no a logra y den e caso aki, minister

Douwers, cu tur respet, no por handle e cartera di Husticia y gobierno mester
haci cambionan. Y mester bin cu cambionan y bin cu un minister cu tin mas

experticio y cu tin mas man duro, cu ta mas balente. Un minister cu kier bin y
ataca e problema di criminalidad. Y si mester bay manifesta un biaha mas, nan

lo bay pa esey.

E minister tin un arogancia grandisimo, cu nan ta gobierno. Pero nan no ta
compronde cu ta un necesidad y un preocupacion grandi e comision a
manifesta. Nan no a manifesta pa smaak. Sr. Dirks a enfatiza cu e no a

manifesta pa su so, ya cu kisas e por paga un camera y sistema di siguridad.
Pero el a manifesta pa e miles di Arubianonan cu no ta sinti nan mes sigur na

cas. E minister no ta sali na vanguardia pa e pueblo.

Si algo masha grave mester pasa, aunke esey a pasa caba, pero ta e pueblo ta
keda keto. Turistanan a wordo asalta, mas di 90% di Aruba su economia ta

depende di turismo. Pero e minister no ta bisa nada ariba esaki, e no ta duna
declaracion.

Sr. Dirks ta open pa haci loke mester haci, pero a corto termijn mester bin cu
un minister di Husticia nobo of e situacion no ta bay cambia. No tin speransa