Page 22 - HOH

Manera e sistema legal ta poni aworaki, SOGA ta doño di e compleho di Hospital, y pais
Aruba ta bay huur e compleho aki for di SOGA. Stichting Ziekenverpleging Aruba (SZV)
lo bay tuma esaki den uso.

E contratista OHL/Arellano tin contract directo firma cu SOGA.

Durante un conferencia di prensa convoca Dialuna atardi, pa prome biaha OHL/Arellano
a tene un conferencia di prensa, y den linea grandi a splica cu nan no ta culpable pa e

inundacion di awa den weekend cu a pasa na Hospital nobo.

Jeff Shaheen, kende ta manager di OHL/Arellano na Aruba, a indica cu e momento a
yega pa stop cu raportahenan falso contra e contratista y nan partnernan local.

Desde 2014 e contratista OHL/Arellano ta trahando na Aruba despues di a firma cu
SOGA pa construccion di Hospital nobo y moderno na comunidad local. Nan filosofia ta

pa no interferi den politica local, y nunca a reacciona riba cobertura di prensa.

Pero awor si nan ta haya cu ta necesario pa defende nan mes di e acusacionnan falso
cu a wordo publica.

OHL/Arellano ta un compania multinacional cu ta opera den 30 pais. Localmente nan ta
un subsidiario cu ta pertenece completamente na OHL USA, Inc.

OHL tin experiencia amplio den construccion di Hospital y Cuido Medico tanto
regionalmente como internacionalmente. E team local ta dispone di profesionalnan cu
tin experiencia extenso den e tereno aki.

El a splica cu Diabierna un evento desafortuna a socede na Hospital di Aruba, ora cu un

tuberia cu ta conduci awa di yobida, a separa y a basha tur awa di yobida for di e toren
nobo di cama den e Servicio di Emergencia.

Ora cu a bay investiga, a conclui cu e causa di e accident aki ta bin debi cu goot y
tuberianan cu ta geplok cu ta pertenece na e compleho bieu di Hospital. Ora cu awa a
cuminza yena, e no tabatin ningun lugar pa bay, te ora cu e tuberianan aki a kibra y
laga bay.