Page 28 - HOH

Ora e compania a yega en berdad a constata cu tabata tin un ‘fitting’ cu a los door di e
presion inmenso cu tabata tin den e ‘back flow’. A logra di pegu’e y asina e sistema di
drenahe por a sigui funciona normal, a indica.

Michael Habibe a agrega cu a yama un compania pa vacuum e awa y haci limpi tur e
areanan afecta. Banda di 2:45 am a isola mayoria di e awa cu tabata cay den e lugar
pa rond di 4 am. Despues a continua cu e trabaonan di limpieza concerni.

Habibe a expresa cu aworaki nan tin e impresion cu e sistema di drenahe di awa no ta
funciona como debe ser. Un caminda mester tin algo cu ta stroba e awa di core, a
remarca.

Esey ta bezig investigando aworaki. El a enfatiza cu Hospital ta responsabel pa
mantencion di e area. Tabata tin hopi sushi cu a saca for di e sistema di drenahe cu
tabata obstrui pa e awa por sigui core.

A haci henter un limpieza di esey y esey a duna un alivio ariba diasabra. Pero tog nan a
wordo yama diadomingo pa indica cu tin un blokeo den e sistema general di drenahe y
a logra ‘clear’ e. Pero te cu dialuna mainta por wak cu tin restonan di mata cu ta bin
den e tuberia.

Michael Habibe a indica cu aworaki Hospital ta atendiendo cu e compania Mourik pa wak
kico nan por haci y si por yega na e pipa pa por alivia e sistema.

A haya otro dañonan ariba e area ey cu ta renobando. SOGA kier duna atencion na
esey mas pronto posibel y ta spera di por a haya acceso na e sistema dialuna mes, a
bisa.

Por conclui cu presion di awa a pone cu e sistema di drenahe a colapse y door cu tabata
tin algun obstruccion di mata y otro sushedad, esaki a pone cu e sistema no por a carga
tur e awa cu a acumula durante e awaceronan den weekend.

Hodgson a remarca cu Hospital ta esun responsabel di duna mantencion na e sistema di
drenahe, pero nan no a haci’e pa basta tempo. “Esey ta nos conclusion”, e presidente di
SOGA a expresa.