Page 47 - HOH

p’asina tur hende por asisti. Probabelmente lo bai tin un pelicula pa tur hende
haya mas informacion y tamba cu preguntanan por wordo haci. Pa loke ta
conscientizacion di e malesa di Alzheimer mes bao di comunidad Sra. Croes-
Yanez ta bisa cu den e prome añanan esta 1999 te cu mas of menos 2012 mas
of menos e tabata hopi bon y e hendenan tabata hopi entusiasma a haya
informacion y e tempo ey tabatin mas acohida pa cu e informacionnan aki. Pero
aworaki ta parce cu e hendenan a bai drumi un rato pero pesey Fundacion tey
pa tene nan lanta pa nan informa nan mes tambe tocante e malesa akinan di
Alzheimer. T’asina aki cu ultimo aña por ripara cu tin hopi bruhacion entre e
terminologianan cu ta wordo usa y esey no ta sali na bon na bienestar di
research of riba cosnan cu mester sa pa diagnostica y esakinan ta laga hopi di
desea. No ta tur ora pero tin biaha ta haya hendenan cu no tin e sintomanan y
no tin e malesa mes pero nan ta pensa cu ta Alzheimer nan tin. E otro parti
tambe ta cu ta mira hopi biaha e hendenan ta bruha e terminologia di
Dementia, cu kiermen sin mente, cu tambe cu Alzheimer. Segun Sra. Croes-
Yanez ta bisa cu esaki ta algo cu mester bai traha mas riba dje. Tambe ta mira
cu e terminologia di Dementia a wordo cambia y poco poco e mester bai bek
pasobra for di 2010 caba el a wordo cambia caminda mundialmente a keda
palabra cu e palabra ey no ta wordo usa mas. E ta un palabra un tiki denigrante
pero poco poco mester custumbra cune pero tanten e hendenan mester
custumbra cu e palabra Dementia no ta existi mas. Y principalmente e cosnan
aki ta stroba hopi biaha e pronostico cu tin e malesanan aki cu ta diferente y si
bo por tin un miho diagnostico, por planifica mucho mas miho. Pero tanten cu ta
pensa cu tur cos ta Alzheimer anto e ora ey tin bruhacion. Dus esaki ta algo cu
mester traha mas riba dje paso e ta birando algo toch un tiki fastioso. Bao di
Dementia, e palabra cu a bin na su lugar ta Transtorno Nuerocognitivo. Pasobra
eingelijk e no ta un malesa, e ta wordo considera un sindrome, e ta algo cu ta
cai bao di e “paraplu” ey ta haya e diferente transtornonan inclusivo Alzheimer
ta cai bao di esaki, pero Alzheimer no ta e unico pasobra tin mas entre otro
Parkinsons dus tin diferente sorto. Y esaki mester ta un tiki claro riba dje pero
tanten cu ta keda bruha y defacto ta hendenan cu no sa bon kico ta pasando cu
nan ta compronde cu nan ser keri tin un malesa, nan ta pensa cu fin di mundo a
caba y ta eynan mester pensa cu mester duna mas informacion riba esaki. Na
Aruba tin cifra y ta sacandonan poco poco pasobra pa duna cifra mester ta sigur
di esakinan.

https://masnoticia.com/sra-melva-croes-yanez-palabra-dementia-ta-wordo-yama-awo-transtorno-
neurocognitivo/