Page 40 - AVP

SIMAR: DOCENTENAN TA PIDI

CAMBIO DEN ENSEÑANSA

2 July, 2019, 10:46 am

Dialuna atardi Simar a haci un yamada na docentenan pa bin na Entertainment Center na

Dakota, pa por papia riba e preocupacionnan cu tin den enseñansa. Tabata tin un grupo
basta decente cu a bin pa asina vocifera e mal conento cu tin.

Segun presidente di Simar, Josephine Martilia-Albertus, hopi docente no ta contento con

cos ta bayendo den enseñansa. Tabata tin docente di diferente ramo y scol, cu door di

vocifera por a ripara cu ta diferente scol tin mal contento.Tabata bon pa scucha di otro,

con nan ta malcontento. Tin hopi problema actualmente den enseñansa.

Por a ripara cu no ta nan so, pero ta mas docente tin e mesun problema y tambe pa bin

dilanti y mustra cu cos manera ta bayendo no por sigui y mester bin cu un cambio.

Segun Martilia-Albertus, cos no mester ta asina. Enseñansa mester ta di calidad, mirando

cu enseñansa ta futuro di un pais. Den union, docentenan por a bisa y vocifera nan mal

contento, scucha di otro y bisa cu tur ta ripara cu ta dimas y tin cu haci algo y vocifera cu

tin cu bin un cambio.