Page 41 - AVP

Tin di e docentenan cu ta hopi preocupa. Nan no sa mes con nan ta bay cu vakantie.

Asina aki no ta un vakantie, segun e sindicalista. Ta algo hopi importante y ta algo cu tin

cu traha riba dje. Bo ta bin scol tur dia den un aña, ta traha duro pa e muchanan. Fin di e

aña mester por bay cas y bisa cu a traha duro e aña aki y merece pa tank, bin bij atrobe. Si

ripara con e docentenan ta vociferando cu nan no ta contento, cu nan no ta ni wak con

nan por drenta un vakantie asina aki, ta algo cu no por, segun Martilia-Albertus.

Siman pasa por a ripara cu dia 21 di Juni, e docentenan di EPB a tende cu ta bin un

cambio drastico den directie, unda cu e managernan ta cambia di nan posicion. Tin

directornan nobo cu ta bin tanto pa San Nicolas y Hato. E docentenan a bisa cu den

ningun momento nan tabata envolvi. E cambionan aki a bin den un transcurso di tres

siman cu ta hopi cortico pa bin cu un cambio asina. E docentenan no a keda satisfecho y a
vocifera nan malcontento. E no a bay facil, pasobra nan tabata kier pa e directiva bin

cerca nan pa nan papia cu nan. Pero e directiva tabata kier pa pone nan puntonan riba

carta.

Dialuna 11’or di mainta Simar, hunto cu un comision chikito di docente pa representa e
scol a sinta cu e directiva y ta contento cu e directiva a dicidi pa scucha e docentenan y a

draai bek tur decision cu tabata tin.Pa otro aña escolar e cambionan ta minimo. Ta bay tin
un director nobo pa EPB Hato y a San Nicolas. Lo tin un cambio di un manager na San

Nicolas, unda cu e manager cu tin actualmente ta bira director y na su posicion ta bay tin

un otro manager. E cambio ta bay ta hopi minimo. Tambe directiva a bisa cu ora cu den

futuro cu nan kier bin cu un cambio, nan lo percura pa envolvi e docente y e management

team y pa bisa na ora.