Page 11 - AWEMAINTA
P. 11
Diahuebs, 27 September 2018 AWEMainta 11
Fundacion CineAruba ta presenta
Ciudad Oraño un ultimo biaha
Prome di september cu a pasa e proyecto di
fundacion CineAruba a estrena den Crystal
Theatre, debi n’e tantisimo peticion CineA-
ruba ta presentado e produccion local aki un
ultimo biaha den nan programa di Cinema
Outdoor cu lo tuma lugar diabierna awor 28
di september na Ateliers ’89 na Dominican-
essenstraat 34, otro banda di e skina di Ma-
ria College Mavo. E evento ta inicia 8’or di
anochi y lo termina 10 di anochi.
Aña pasa Fundacion CineAruba a inicia cu
su programa di cine den aire liber cu taba-
ta hiba e nomber di Rooftop Film Club cu
tabata tuma lugar riba un terasa di e dos
piso di Academia di Arte. E aña aki e me-
sun evento ta na un localidad ful nobo cu
ta Ateliers ’89. Cinema Outdoor t’e mesun
concepto cu Rooftop Film Club cu basica-
mente ta encera cu lo presenta peliculanan
artistico, independiente of clasico den aire
liber.
E seleccion di peliculanan ta diferente di
locual e publico ta custrumbra di mira den
cinenan local, nan ta peliculanan cu ta crea
combersacionnan of ta laga e publico pensa
y analisa. E tipo di peliculanan aki ta cum-
inda pa pensamento.
Cinema Outdoor ta wordo combina cu
Shortcut Aruba cu t’e unico plataforma lo-
cal di peliculanan cortico cu un network in-
ternacional. Peliculanan cortico di Aruba cu
participa na Shortcutz Aruba lo por wordo
presenta riba mercado internacional pa me-
dio di e network di Shortcutz cu ta consisti
di paisnan manera Brasil, Portugal, Alema-
nia, Hulanda, Angola, China y UK.
Pa diabierna awor lo presenta un video mu-
sical titula Cunucu Sessions interpreta pa
Ginelly na Kaminda y dirigi pa Danny Mar-
tinez. Tambe lo presenta un pelicula cortico
di Brasil titula TU, dirigi pa pa Hugo Pinto.
Pa luna di october lo tin mas pelicula corti-
co local cu lo wordo presenta den Shortcutz
Aruba. Pa mas informacion por bishita e pa-
gina di Facebook di fundacion CineAruba.
