Page 25 - Djasabra 8 september 2018.pdf

Djasabra 8 Sèptèmber 2018 25

Entrada di Catedral

Tambe e a traha skol i lugánan di rekreashon pa e
pueblo. Esaki a hasié natural mas popular i e echo ku
e tabata hasi tur esaki ku sèn di droga, pa e poblashon
esaki no tabata importante. En bèrdat e a wòrdu
skohe komo miembro di kongreso . Sinembargo den
e promé reunion ku e mester tabata presente e min-
ister di Hustisia, Lara Bonilla a bini Parlamento i a
deklará ku Pablo Escobar imposibel por forma parti
di Senado. E palabranan famoso di dje tabata: “Un
bandido komo ese Señor no puede ser miembro de
nuestro congreso” Ku e palabranan aki Lara Bonilla,

ya ku algun siman despues, Lara Bonilla a wòrdu
asesiná dor di kompinchinan di Pablo Escobar. Nan
ta bisa ku ta Pablo Escobar mes a duna instrukshon
pa mata Bonilla.

Pablo Escobar i Catedral
Poko poko Pablo Escobar tabata wòrdu akoralá i natu-
ralmente e tabata hasi tur kos pa e no wòrdu kaptura i
spesial no wòrdu entrega na Merka. Hasta e a proponé
na Gobièrnu Kolombiano di tabata dispuesto pa tuma
henter e debe nashonal di Colombia over. Klaro ku esaki
no a wòrdu aseptá.
Pa Colombia esaki tabata tempunan hopi fèrfelu i tulmu-
toso ya ku e tabata laga tira bòm den diferente parti di
Colombia pa asina destabilisa e pais i e gobièrnu.
E ora ei gobièrnu a disidí di forma un grupo “Elite” pa
kaptura Escobar. Esaki tampoko a logra pero Pablo
Escobar kada biaha tabata sinti ku su dianan ta kon-
ta. Pa e motibu ei e a disidí di boluntariamente entrega
su mes pero ku e kondishon ku e lo wòrdu pone den un
prizòn ku e mes a laga traha i ku nan a yama “Catedral”. Estadia di Escobar den Catedral
Tambe e a pone komo kondishon ku militarnan no tin
mag di yega muchu serka di e lugá. E kos aki natural
tabata un farse kompleto ya ku for di prizòn e negoshi di
droga tabata sigui normalmente sin ningun hende por a
bisa algu. E tabata risibí su kompinchinan den “Catedral’
i tin bisa ku hasta e a laga mata algun den “Catedral” ku
e a pega pleitu ku ne.

E kaminda ku ta kondusi pa Catedral