Page 12 - AWEMAINTA
P. 12
12 AWEMainta Diamars, 28 Mei 2019
<Continua di pagina 11>
programa standard conforme cu protocolnan di
un centro di rehabilitacion. Esaki mas cu claro a
duna espacio pa crea situacionan hopi incomodo
pa tur cu ta envolvi den e institucion.
Infrastructura no ta cuadra cu normanan pa
por duna tratamento adecua
Loke a resalta sigur t’e estado deteriora di e
edificionan cu ta pertenece na FMAA y esun na
Centro Colorado sigur t’esun mas afecta.
Esaki tin di haci cu e localidad y tambe falta
di fondo pa un mantencion apropia. Minister
Dangui Oduber a pone un suma disponibel pa
cuminsa di biaha cu e trabounan pa completa un
renobacion den fasenan conforme e situacion fi-
nanciero di FMAA. Tin tambe un preocupacion
pa loke ta dos otro edificio cu tambe ta cay bao
di FMAA.
E preocupacionnan ta basa riba kico precies
ta pensa di haci cu e edificionan aki, con pa
converti nan den facilidadnan cu realmente ta
cumpli cu standardnan halto pa duna e servicio-
nan pa continuidad di e programanan di reha-
bilitacion y recuperacion di adiccion en general.
Tur cos ta mustra cu mester bin un re-organ-
isacion total p’asina defini kico precies lo haci
p’asina e facilidadnan aki sigi duna e servicio
optimal.
Vision y maneho nobo
Pa conclui Minister Dangui Oduber ta enfatisa
cu lo bay traha cu un vision a largo plazo. “Nos
tin e hendenan adecuado pa haci e prepara-
cionnan p’e programanan cu lo wordo introduci”
segun e mandatario. Esaki lo cuminsa cu nan
entrenamento, estilo on the job training, y cur-
sonan specialisa pa cada un cu kier keda traha
den y cu FMAA.
Adiccion lo wordo trata segun e concepto di -
Adiccion como enfermedad -. Tin regla y pro-
tocolnan p’esaki. E programa y e concepto no
ta nada nobo. E ta wordo uza den tur pais rond
di mundo y sigur e lo wordo combina cu otro
programanan cu lo brinda espacio y oportuni-
dadnan a largo plazo pa tur esnan cu mester di e
tratamento tanto na Aruba y den otro paisnan.
Nos tin miras pa traha cu un institucion cu tin
accreditacion y certificacion halto.
Riba esey e Minister lo amplia mas despues.
