Page 16 - AWEMAINTA
P. 16
16 AWEMainta Diamars, 28 Mei 2019
Durante control
Polis ta gara un ladron y un otro a core bay
DIALUNA madruga den careda di 2’or, Polis ta para
un pick up riba Lagoweg, pa un control.
A resulta cu e pick up ey ta horta.
Na stuur a topa cu 2 conoci di nan, agentenan mesora
a pidi pa refuerso. Mirando cu tabata trata di un auto
horta y cu e supuesto ladronnan, a bay over na detene
ambos.
Aki ta caminda cu ora a yega pa detencion y prome cu
refuerso a yega un di nan a sali core bay, lagando Polis
atras.
E otro cu a mira kico su brother a haci tambe a trata na
haci mescos, pero Polis a logra gare.
Transportwagen a yega y mesora a hibe Warda, evitando
asina cualkier idea raro cu por bolbe drenta su cabes.
Motociclista deteni y
su scooter confisca
DIALUNA merdia banda di Lidia’s Kitchen na Savaneta,
Polis a detene un manehador di scooter kende a resisti ora
cu Polis a pare pa control. A resulta cu e no tabatin ningun
papel di e scooter cu ne. Polis a confisca e scooter, mientras
a detene e motociclista, kende kier a bringa cu Polis.
